22 ნოემბერს 14:00 საათზე, თბილისში, მახათას მთის მიმდებარე ტერიტორიაზე, საქართველოს დრიფტის შემპიონატის, ფინალური ეტაპი გაიმართა. ჩემპიონატში, ათმა პროფესიონალმა ავტომრბოლელმა მიიღო მონაწილეობა:
დრიფტი ავტოსპორტის ერთ-ერთი დაძაბული და სანახაობრივი სახეობაა. მიუხედავად რთული ეპიდვითარებისა, ორგანიზატორების გადაწყვეტილებით, მაყურებელი მხოლოდ პირბადით და დისტანციის დაცვით დაიშვა. მახათის მთის მიმდებარე ტერიტორია, ქართული ავტოსპორტის გულშემატკივრებით შეივსო. ორი ეტაპის შემდეგ სამ ავტომრბოლელს შორის, ფაქტობრივად თანაბარი ქულათა რაოდენობა იყო, ამიტომ ამ ეტაპის გამარჯვებული ჩემპიონატის გამარჯვებულიც ხდებოდა. შეიძლება ითქვას, რომ ეს გახლდათ გლადიატორების თანამედროვე შერკინება.
ფინალურ დაპირისპირება, ყველაზე სანახაობრივი და ამაღელვებელი აღმოჩნდა. ჩვენ ვიხილეთ, „სენსეისა“ და მოწაფის შერკინება. ბრძოლაში ნოდო კოდუამ, მევლუდ მელაძეს არაფერი დაუთმო, ეს კი კოდუას ტრიუმფით დასრულდა. აღსანიშნავია ის ფაქტიც, რომ ნოდომ ერთ ერთი გავლისას, საქართველოს დრიფტ შეჯიბრების ისტორიაში, უპრეცედენტო შეფასება 99 ქულა (თითქმის იდეალური) მიიღო.
სამწუხაროდ ალექსანდრე ხეროდინაშვილმა, მანქანის გამართვა ვეღარ მოახერხა და ნახევარფინალურ დაპირისპირებას გამოეთიშა, შესაბამისად ბრინჯაო, ავტომრბოლელმა გუგა კირვალიძემ დაისაკუთრა.
საერთო ჯამში ჩემპიონატის ლიდერთა სამეული ესე გამოიყურება :
- პირველი ადგილი - ნოდო კოდუა 268 ქულა
- მეორე ადგილი - მევლუდ მელაძე 244 ქულა
- მესამე ადგილი - ალექსანდრე ხეროდინაშვილი 227 ქულა
ღონისძიების გენერალური სპონსორი, სოკარ პეტროლიუმ ჯორჯია გახლდათ, გამარჯვებულებს კი შემდეგი პრიზები გადაეცათ:
- პირველი ადგილი–500 ლიტრი
- მეორე ადგილი– 300 ლიტრი
- მესამე ადგილი – 200 ლიტრი
