კორონავირუსი ფორმულა ერთს უტევს

 17-19 აპრილს შანხაის ავტოდრომზე ფორმულა ერთის მსოფლიოს ჩემპიონატის მეოთხე ეტაპი „Chinese Grand Prix 2020“ უნდა გაიმართოს, თუმცა არის იმის ალბათობა რომ ჩინეთის გრან-პრი გაუქმდეს. ამის მიზეზი კი ახალი ტიპის ვირუსია „coronavirus“, რომელმაც უამრავი ადამიანი დააინფიცირა. პირველად ეპიდემიის გავრცელება შეინიშნა 2019 წლის დეკემბრის შუა რიცხვებში, ქალაქ უხანში, რომელიც ჩინეთის სამხრეთით, ხუბეის პროვინციაში მდებარეობს. შემდგომში ვირუსი გავრცელდა ჩინეთის სხვა პროვინციებსა და მსოფლიოს სხვადასხვა ქვეყანაში. 


 შანხაის საერთაშორისო ავტოდრომი 2004 წლის 26 სექტემბერს გაიხსნა, ავტოდრომის მშენებლობა 18 თვის მანძილზე მიმდინარეობდა და პროექტის საერთო ღირებულებამ $ 450 მილიონ აშშ დოლარი შეადგინა. ავტოდრომი ჩინურ იეროგლიფ „shang“-ს ჰგავს, ის შედგება 16 მოსახვევისგან, ხოლო ავტოდრომის საერთო მანძილი 5.451 კილომეტრია, ჯამში კი პილოტებს 56 წრის გავლა უწევთ რაც 305.066 კილომეტრია. 2004 წლის „Chinese Grand Prix“-ის გამარჯვებული ბრაზილიელი Rubens Barrichello გახდა, ხოლო პოდიუმზე მეორე ადგილი Jenson Button-მა და მესამე კი Kimi Räikkönen-მა დაიკავა. ყველაზე სწრაფი წრის რეკორდი Michael Schumacher-ს (1:32.238) ეკუთვნის.