2020-11-19

საქართველოს დრიფტის ჩემპიონატი მახათას მთაზე გაიმართება

ავტორი: გიორგი ლაფერაშვილი
1 წუთის საკითხავი
  • AAტექსტის ზომის შეცვლა

 ქართული ავტოსპორტის გულშემატკივრებს, ძალზედ დაძაბული და სანახაობრივი შაბათი-კვირა ელის. 21-22 ნოემბერს, 14:00 საათზე, თბილისში, მახათას მთის მიმდებარე ტერიტორიაზე, საქართველოს დრიფტის შემპიონატის, ფინალური ეტაპი გაიმართება. ჩემპიონატში, ოცდაათზე მეტი პროფესიონალი ავტომრბოლელი მიიღებს მონაწილეობას. მსგავსი ღონისძიების მიზანია, აღკვეთოს ქუჩის სახიფათო რბოლები, მოუწოდოს და მოიზიდოს უსაფრთხო ტერიტორიებზე. ორგანიზატორების გადაწყვეტილებით მაყურებელი დაიშვება მხოლოდ პირბადით და დისტანციის დაცვით.
 
პრიზები: შემპიონატის სპონსორი, სოკარ პეტროლიუმ ჯორჯია გახლავთ

  • პირველი ადგილი - 500 ლ. საწვავი
  • მეორე ადგილი - 300 ლ. საწვავი
  • მესამე ადგილი - 200 ლ. საწვავი

სამწუხაროდ კორონავირუსის (Covid-19) პანდემიის გამო, ორგანიზატორებს მცირედი ცვლილებები შეტანა მოუწიათ. საქართველოს ჩემპიონატი დრიფტში, სამ ეტაპად ჩატარდა. პირველი ეტაპი, 23 აგვისტოს, BMW Club Georgia-ს ორგანიზებით და ხონის გამგეობის თანადგომით, მუნიციპალიტეტის ცენტრალურ მოედანზე გაიმართა და ნოდო კოდუას ბრწყინვალე გამარჯვებით დასრულდა.


რიგით მეორე ეტაპი, ზღვის დონიდან 1700 მეტრზე, დიდგორის მიმდიბარე ტერიტორიაზე, 26-27 სექტემბერს, საქართველოს დრიფტის სერიების წარმომადგენლების ორგანიზებით და საქართელოს საავტომობილო სპორტის ფედერაციის მხარდაჭერით გაიმართა. მევლუდ მელაძემ 2:0 დაამარცხა ალექსანდრე ხეროდინაშვილი, თუმცა აღსანიშნავია ის ფაქტიც, რომ ალექსანდრე ხეროდინაშვილი ორივე შეჯიბრში, მეორე ადგილზე გავიდა, რითაც ქულათა ჯამით ჩემპიონატის ლიდერია. რაც შეეხება პოდიუმზე მესამე ადგილს: ერთმანეთს დაჩი თაქთაქიშვილი და გიორგი კირვალიძე დაუპირისპირდნენ. შერკინება დაჩი დაქთაქიშვილის გამარჯვებით დასრულდა. 



დაბოლოს, თუ დასწრებას ვერ ახერხებ, გული არ გაიტეხო: „Georgian Drift Series“-ის და „Georgian Automobile Sport Federation“- ის ფეისბუქ გვერდზე, შეგეძლება თვალყური ადევნო, გამოცდილი კომენტატორებით ტრანსლირებას. ღონისძიებას საერთაშორისო მსაჯთა კოლეგია აფასებს, ლიცენზირებულია საქართველოს საავტომობილო სპორტის ფედერაციის მიერ და ტარდება „BMW Club Georgia“-ს ორგანიზებით.





 

 

მსგავსი სტატიები

11 ოქტომბერს, აღმართის დაძლევის ჩემპიონატი 2020 გაიმართა
11 ოქტომბერს, აღმართის დაძლევის ჩემპიონატი 2020 გაიმართა
2020-10-13

11 ოქტომბერი, ქართული ავტოსპორტისთვის და გულშემატკივრებისთვის, კიდევ ერთი შესანიშნავი დღე იყო. პანდემიის მიუხედავად, სამადლო-კოჯორის 5,14 კილომეტრიან გზის მონაკვეთზე, 2020 წლის აღმართის დაძლევის ჩემპიონატის, მესამე ფინალური და თბილისის თასი

Fernando Alonso ფორმულა 1-ში დაბრუნდა
Fernando Alonso ფორმულა 1-ში დაბრუნდა
2020-07-09

ორგზის 2005-2006 მსოფლიოს ჩემპიონი, 38 წლის Fernando Alonso ფორმულა 1-ში დაბრუნდა. Alonso-მ, Renault DP World F1 Team-თან ორწლიან კონტრაქტი გააფორმა, კიდევ ერთი წლით გახანგრძლივების პერსპექტივით. მისი ხილვა 2021 წლის სეზონიდან შეგვეძლება

ლე-მანის 24 საათიანი რბოლის მიმოხილვა
ლე-მანის 24 საათიანი რბოლის მიმოხილვა
2020-09-21

შაბათს 19 სექტემბერს, პარიზის დროით 14 საათსა და 30 წუთზე, სტარტი აიღო ლე-მანის 24 საათიანმა რბოლამ. სამწუხაროდ, კორონავირუსის (Covid-19) პანდემიის გამო, რბოლა მაყურებლის გარეშე ჩატარდა, რაც ძალიან სამწუხაროა, რადგან ავტოდრომს ყოველ წლიურად