კვირას, 11 ოქტომბერს, დილის 11:00 საათიდან, სამადლო-კოჯორის 5,14 კილომეტრიან გზის მონაკვეთზე, 2020 წლის აღმართის დაძლევის ჩემპიონატის, მესამე ფინალური და თბილისის თასის, 2020 წლის მეორე ფინალური ეტაპები გაიმართება. ღონისძიება, თბილისის ერთიანი საავტომობილო ფედერაციის ორგანიზებით და თბილისის მერიის, საქართველოს საავტომობილო სპორტის ფედერაციისა და საქართველოს განათლების, მეცნიერების, კულტურისა და სპორტის სამინისტროს, მხარდაჭერით ტარდება.
აღმართის დაძლევაში 15 პროფესიონალი ავტომრბოლელი იღებს მონაწილეობას:
- ილია ხავთასი - Renault Clio Sport
- თენგო გოგილაშვილი - BMW 328
- ვატო წაწალაშვილი - BMW Z4
- შალვა ოგბაიძე - Honda Civic 1600
- თორნიკე მიქაძე - BMW Compact 1.9
- დიმიტრი კიკაჩეიშვილი - Honda Civic V-tec
- ვლადიმერ გიორგაძე - Honda Civic 1600
- იური მანგასაროვი - Honda Civic 1600
- ავთანდილ აბრამიშვილი - Honda Integra
- არჩილ ბიძინაშვილი - Honda Civic 2.0 Type-R
- გიორგი მჭედლიშვილი - Renault Clio Sport
- სანდრო თავართქილაძე - Subaru Impreza
- ირაკლი მეძმარიაშვილი - Mitsubishi Lancer EVO 6
- ვლადიმერ კუხიანიძე - Subaru Impreza
- ალექსანდრე ლომაძე - Ford Fiesta R5
რას წარმოადგენს აღმართის დაძლევა? აღმართის დაძლევა რბოლის კატეგორიაა, რომელიც ტარდება საყოველთაო მოხმარების გზის რომელიმე ერთ მონაკვეთზე. მისი სტარტი და ფინიში ზღვის დონიდან მკვეთრად განსხვავებულ სიმაღლეზეა. აღმართის დაძლევა საქართველოში ერთ-ერთი ყველაზე სანახაობრივი რბოლაა.
რა ევალება მრბოლელს? ავტომრბოლელის მიზანია მაქსიმალურად სწრაფად და უშეცდომოდ დაფაროს განსაზღვული მონაკვეთი.
ისტორია: აღმართის დაძლევა, ეს არის რბოლის ერთ-ერთი უძველესი კატეგორია. პირველად რბოლა, აღმართის დაძლევაში 1897 წლის 31 იანვარს, საფრანგეთში ლა ტურბიში ჩატარდა.
