Dakar Rally 2020

 კვირას, 2020 წლის 5 იანვარს, საუდის არაბეთის ქალაქ ჯიდაში სტარტი აიღო რიგით 42-ე „Dakar Rally“-იმ, მისი საერთო სიგრძე 7,856 კილომეტრია და 12 ეტაპისგან შედგება. ღონისძიების გამარჯვებულებს კი 17 იანვარს ქალაქ Qiddiya-ში გამოავლენენ. 



 წელს მცირედი ცვილებებია, ორგანიზატორებმა მაქსიმალურად იზრუნეს ახალბედა მრბოლელებზე, მონაწილეებს მიეცათ შესაძლებლობა დაწყებიდან 15 წუთით ადრე გაეცნონ მარშუტს. ახალ წესებში ერთ-ერთი საინტერესოა „Joker”, რომელიც გავარდნილ მონაწილეს საშუალებას აძლევს დაუბრუნდეს რბოლას, თუმცა „Joker”-ის გამოყენება არ შეუძლია ჯგუფში ლიდერს პირობითად: Т2-ის ჯგუფის ლიდერი ვერ ისარგებლებს „Joker”-ით. 





2020-ის „Dakar Rally“-ის დებიუტანტია 38 წლის Fernando Alonso, შეგახსენებთ რომ ის გახლავთ F1-ის მსოფლიოს ორგზის 2005-2006 ჩემპიონი . Fernando Alonso-ს თქმით „Dakar Rally“ მისთვის უდიდესი გამოწვევაა, ბევრი მას მოგებას უწინასწარმეტყველებს თუმცა გამორიცხული არაფერია.




ისტორია

 ყველაფერი კი იმით დაიწყო,  რომ 1977 წლის იანვარში, აბიჯანი-ნიცას რბოლის მონაწილე, ფრანგი მოტომრბოლელი Thierry Sabine ლიბიის უდაბნოში დაიკარგა, როდესაც ის სამშვიდობოს გავიდა Thierry Sabine-მ ჩათვალა, რომ უდაბნოში შეჯიბრება ბევრს დააინტერესებდა. ამ არცთუ სასიამოვნო შემთხვევამ საფუძველი ჩაუყარა „Paris Dakar Rally“-ის



 „Paris Dakar Rally“ პირველად 1978 წლის 26 დეკემბერს ჩატარდა. სტარტი პარიზიდან შაიოს სასახლედან (The Palais de Chaillot) დაიწყო და ჯამში 6 ქვეყანა მოიცვა: საფრანგეთი-ალჟირი-ნიგერია-მალი-ზემო ვოლტა-სენეგალი. სამ კვირაში მრბოლელებმა 10,000 კილომეტრი დაფარეს და 182 მონაწილედან ფინიშამდე მხოლოდ 74 მივიდა.



იძულებითი ცვლილება

 2007 წლის 24 დეკემბერს Al-Qaeda-ს წევრები მავრიტანიაში ფრანგ ტურისტებს თავს დაესხნენ, ოთხი მოკლეს ხოლო ხუთი მძიმედ დაიჭრა, რკინის ბედუინებისთვის არავის ეცალა , 2008 წლის „Paris Dakar Rally“ გაუქმდა. ტერორისტულმა თავდასხმამ „Paris Dakar Rally“-ის ორგანიზატორები „ASO“ აიძულა შეეცვალათ მარშუტი, რადგან უსაფრთხოების გარანტია არ არსებობდა, 2009 წელს „Dakar Rally“ სამხრეთ ამერიკაში ჩატარდა, 10 წლის შემდეგ ორგანიზატორებმა „ASO“-მ 2020-ის „Dakar Rally“ სამხრეთ ამერიკა, საუდის არაბეთით ჩაანაცვლეს, სხვადასხვა წყაროები იუწყებიან, რომ „ASO“-მ და საუდის არაბეთმა 5 წლიანი კონტრაქტი გააფორმეს თუმცა დაზუსტებით საუბარი ჭირს სანამ ოფიციალურად არ გააკეთებენ განცხადებას.