2020 წლის 12 დეკემბერს, საქართველოს საავტომობილო სპორტის ფედერაციის მხარდაჭერით (GASF), Simulexe Racing-ისა და ხორვატიული Assetto Corsa Croatia-ის ორგანიზებით, ოფიციალური საერთაშორისო ვირტუალური ენდურანს რბოლა გაიმართა. საქართველოდან შეჯიბრში, ათი საუკეთესო სიმ რეისერი იღებდა მონაწილეობას, ხოლო სხვადასხვა ქვეყნიდან კი 30 წარმომადგენელი.
ლეგენდარულ ავტოდრომ IMOLA-ზე, ვირტუალური რბოლა, ორი საათი გაგრძელდა. სრული 68 წრის განმავლობაში, ქართველი ავტომრბოლელი, სანდრო თავართქილაძე დომინირებდა და მიუხედავად მისი მდევარი Toskovic-ის მრავალგზის მცდელობისა, სანდროს მისთვის შანსიც კი არ მიუცია. Baby Endurance International 2020-ის რბოლა, რა თქმა უნდა, ქართველი ავტომრბოლელის, ავტოსპორტის სხვადასხვა დისციპლინაში მრავალგზის ჩემპიონის, სანდრო თავართქილაძის ტრიუმფით დასრულდა.
მესამე ადგილისთვის ბრძოლა კი უკიდურესად დაძაბული გამოდგა. გიორგი დათუაშვილი და გერმან ბულხალცევი, ბოლო წამამდე პოდიუმისთვის იბრძოდნენ. დამსახურებული მესამე ადგილი გიორგი დათუაშვილმა მიოპვა. ამ მეტად სანახაობრივ რბოლას, ხორვატული Dim Racing-ის წარმომადგენელთან, ერთად უძღვებოდნენ და კომენტირებას უწევდნენ: ლევან მიმინოშვილი და ბექა ჯიქია. აღსანიშნავია, რომ საუკეთსო 10 სიმრეისერს შორის, 6 ქართველი წარმოამდგენელია.
შეგახსენებთ, რომ სსსფ-ს განათლების, მეცნიერების, კულტურისა და სპორტის სამინისტროსა და „სიმულექს რეისინიგის” ერთობლივი მუშაობით, 2020 წელს ჩატარდა „Georgian Digital Championship 2020“-ის ჩემპიონატი, სადაც ქართველმა სიმრეისერებმა ძალიან დიდი გამოცდილება მიიღეს.
