რაც არ უნდა კარგი და საიმედო მანქანა შეიძინო, სერვის ცენტრში ვიზიტის თავიდან აცილება შეუძლებელია. თუნდაც იმიტომ, რომ ყველა მანქანას პერიოდულად სჭირდება ცვეთადი დეტალების შეცვლა. სამწუხაროდ, ყოველთვის არსებობს შანსი არაკეთილსინდისიერმა ხელოსანმა, ჩასატარებელი სამუშაოები გაგიზვიადოს, რათა მეტის გადახდა მოგიწიოს. შესაბამისად დღევანდელი ბლოგ-პოსტისტში ვისაუბრებ თავდაცვის ხერხებზე.
ინფორმაციის მოძიება - სანამ სერვის ცენტრს ესტუმრები, უპირველეს ყოვლისა, მოიძიე ინფორმაცია ავტომობილის შესახებ. Facebook-ში მოძებნე და გაწევრიანდი კონკრეტული ბრენდის კლუბში, დასვი კითხვა და დაელოდე გამოცდილი მძღოლის პასუხს.
სერვის ცენტრში სტუმრობა - დადგა მომენტი, როდესაც უნდა ესტუმროთ სერვის ცენტრს, მაგრამ არ იცით სად მიიყვანო ავტომობილი ? ასეთ შემთხვევაში, აუცილებლად მიმართე იმ მეგობრებს, თანამშრომელს თუ უბრალოდ ფეისბუქ მეგობარს, რომელსაც მეტნაკლებად ესმის ავტომობილები და გასცემს კარგ რჩევას. უკეთეს შემთხვევაში ჯობია მცოდნე ადამიანი თან გაიყოლო.
დიაგნოსტირება - იმისათვის, რომ ვიცოდეთ ავტომობილს რა აწუხებს, საჭიროა, სწორი დიაგნოსტირება. ზოგადად სავალი ნაწილის შემოწმება 10-15 ლარი ღირს, კომპიუტერული 30-35 ლარი. თუ მექანიკოსმა ზუსტი დიაგნოზი არ დასვა, არ დააწყებინო ავტომობილის შეკეთება. ასეთ შემთხვევაში ჯობია, ზედმეტი გადაიხადო და სხვა პროფესიონალს მიმართო.
შეფასება - „ჯიგარო გავაკეთოთ და მერე გავსწორდეთ“ ეს ფრაზა დაუშვებელია და ბევრ კითხვას აჩენს. სანამ კონკრეტულ ფასს არ დაგისახელებენ არ დააწყებინო ავტომობილის დაშლა.
შეკეთების პროცეს - თუ გინდა, რომ ხარისხინად გაკეთდეს შენი ავტომობილი, სერვის ცენტრში მექანიკოსს, თავზე უნდა დაადგე და ადევნო თვალყური მუშაობის პროცესს.
