მსოფლიოს ოთხგზის ჩემპიონის, (2010, 2011, 2012, 2013) სებასტიან ფეტელის მომავალი გარკვეულია. გერმანელმა მრბოლელმა, Racing Point-თან კონტრაქტი გააფორმა. 2021 წლის ფორმულა 1-ის სეზონს, ლენს სტროლთან ერთად იასპარეზებს. შეგახსენებთ, რომ 2021 წლის სეზონისთვის, რეისინგ ფოინთი სახელს შეიცვლის და 60 წლიანი პაუზის შემდეგ ასტონ მარტინი ფორმულა 1-ში ოფიციალურად დაგვიბრუნდება.
ტრანსფერთან დაკავშირებით, რეისინგ ფოინთის ხელმძღვანელმა, Otmar Szafnauer-მა მცირე კომენტარიც გააკეთა: „სილვერსტოუნში, მთელი ჩვენი გუნდი, ამ სიახლით აღფრთოვანებულია. სებასტიანი მრავალგზის ჩემპიონია, ის ჩვენს გუნდს გამარჯვებას მოუტანს“
სებასტიან ფეტელი - „ მიხარია, რომ მომეცა საშუალება, გაგიზიაროთ ეს მეტად მნიშვნელოვანი სიახლე, გადავწყვიტე მიმეღო ახალი გამოწვევა. 2021 წლიდან, მე ვიქნები ლეგენდარული ავტომწარმოებლის, Aston Martin-ის მრბოლელი. მჯერა, რომ ერთად ბევრი რამის მიღწევა შეგვიძლია".
