2020-08-26

2020 ბელგიის გრან-პრი - 28-30 აგვისტო

ავტორი: გიორგი ლაფერაშვილი
2 წუთის საკითხავი
  • AAტექსტის ზომის შეცვლა

გასულ კვირას, ესნაპენთში ფორმულა 1-ის მეექვსე ეტაპი, „Circuit de Barcelona-Catalunya“ ვიხილეთ, ის უფრო მოსაწყენი იყო ვიდრე სანახაობრივი, თუმცა გული არ გაიტეხო, უქმეებზე დიდი შერკინება გველოდება.

2020 Belgian Grand Prix-ის კვირის კალენდარი შემდეგნაირად გამოიყურება:

  • 28 აგვისტო Practice 1 დაწყების დრო - 13:00 - 14:30
  • 28 აგვისტო Practice 2 დაწყების დრო - 17:00 - 18:30
  • 29 აგვისტო Practice 3 დაწყების დრო - 14:00 - 15:00

რაც შეეხება ბელგიის გრან-პრის კვალიფიკაციას, ის 29 აგვისტოს 17:00 დაიწყება. ხოლო რბოლა, კვირას 30 აგვისტოს 17 საათსა და 10 წუთზე აიღებს სტარტს. პილოტებს ჯამში 44 წრის გავლა მოუწევთ, ავტოდრომის მთლიანი მანძილი კი 7.004 კილომეტრს შეადგენს.

სწრაფი წრე - 2019 წლის ბელგიის გრან-პრის, ყველაზე სწრაფი წრის (Lap Record 1:46.409) ავტორი სებასტიან ფეტელი (Sebastian Vettel) გახლავთ.


ისტორია - ბელგიის სამხრეთით, არდენების რეგიონში, ავტოდრომი „Circuit de Spa-Francorchamps“ 1921 წელს, არქიტექტორ–დიზაინერების Jules de Their-სა და Henri Langlos van Ophem-ის მეშვეობით აშენდა. იმისათვის, რომ 14,9 კილომეტრიანი მონაკვეთი შეეკრათ, არქიტექტორ–დიზაინრებმა, საერთო სარგებლობის საავტომობილო გზები გამოიყენეს, რომლებიც სამ პატარა ქალაქს: ფრანკორშამს, მალმედს და სტალვოს აკავშირებდა.


ბელგიის გრან-პრი, პირველად 1925 წელს ჩატარდა, პირველი ადგილი კი Alfa Romeo P2-ის მრბოლელს ანტონიო ასკარის ერგო.

 

1972 წელს, ავტოდრომი „Circuit de Spa-Francorchamps“ უსაფრთხოების ნორმებს ვეღარ აკმაყოფილებდა, ორგანიზატორებს რბოლის გადატანაც მოუწიათ. მოგვიანებით 1979 წელს მთლიანად გადაკეთდა და მივიღეთ ჩვენთვის კარგად ნაცნობი 7.004 კილომეტრიანი ავტოდრომი, რომელიც 19 მოსახვევისგან შედგება. ავტოდრომი 250,000-ზე მეტ მაყურებელს იტევს, მაგრამ კორონა ვირუსის პრევენციის მიზნით, სავარაუდოთ FIA მაყურებლებს ისევ არ დაუშვებს.

 

რეკორდი - ბელგიის გრან-პრი ლეგენდარულმა მრბოლელემა მიხაელ შუმახერმა ექვსჯერ 1992, 1995, 1996, 1997, 2001, 2002 წლებში მოიგო.


მსგავსი სტატიები

Scuderia Ferrari - ცვლილებების დროა
Scuderia Ferrari - ცვლილებების დროა
2020-07-23

2020 წლის სეზონი, ფერარისთვის კატასტროფული გამოდგა. სამი ეტაპის შემდეგ, კონსტრუქტორთა თასის ორთაბრძოლაში, სკუდერია ფერარი (Scuderia Ferrari) მეხუთე პოზიციას იკავებს და საგრძნობლად ჩამორჩება მეტოქეებს. ზოგადად ფერარის პრობლემა მარტო არასაკმა

Lewis Hamilton-მა სეზონის პირველი გამარჯვება მოიპოვა
Lewis Hamilton-მა სეზონის პირველი გამარჯვება მოიპოვა
2020-07-13

სეზონის პირველი გამარჯვება Styrian Grand Prix-ში Lewis Hamilton-მა მოიპოვა. ჰამილტონის კარიერაში ეს რიგით 84-ე გამარჯვებაა. პოდიუმზე მეორე ადგილი, მისმა თანაგუნდელმა Valtteri Bottas-მა დაიკავა,

ბელგიის გრან-პრის მიმოხილვა
ბელგიის გრან-პრის მიმოხილვა
2020-08-31

2020 წლის 30 აგვისტოს, ბელგიაში ფორმულა 1-ის რიგით მეშვიდე ეტაპი გაიმართა. რბოლას, რა თქმა უნდა, არდენების რეგიონში, მდებარე ავტოდრომმა „Circuit de Spa-Francorchamps“-მა უმასპინძლა.