დღეს ავსტრიის (Styrian Grand Prix) გრანპრის კვალიფიკაცია, კოკისპირული წვიმის აკომპანიმენტით ჩატარდა, ეს ურთულესი რბოლა, Mercedes-ის პილოტის ტრიუმფით დასრულდა. Lewis Hamilton-მა, 1,2 წამით მოუგო მეორე ადგილზე გასულ Max Verstappen-ს. ჰამილტონისთვის ესაა კარიერაში 89-ე პოულ პოზიცია.
დღევანდელი კვალიფიკაციის, ბოლო 10 წუთი ძალიან დაძაბული იყო, Max Verstappen-მა ორჯერ შეძლო წინა პოზიციაზე გასვლა, ხოლო Valtteri Bottas-მა დროებით პირველი ადგილის მოპოვებაც კი შეძლო, თუმცა ფორმულა 1-ის მოქმედი ჩემპიონი, Lewis Hamilton-ი შეტევის მოგერიებას ყოველ ჯერზე ახერხებდა. მან უკანასკნელ სწრაფ წრეზე კონკურენტები 1,216 წამით ჩამოიტოვა და შანსი აღარ დაუტოვა, ამას დაემატა ბოლო წრეზე Max Verstappen-ის შეცდომა, რამაც გადაწყვიტა დღევანდელი ბროლის ბედიც.
მესამე ადგილი, McLaren-ის პილოტმა Carlos Sainz Jr-მა დაიკავა. მან ყველასათვის მოულოდნელად, შეძლო დაემარცხებინა წინა კვირის კვალიფიკაციის გამარჯვებული Valtteri Bottas-ი, ასევე დღევანდელი დღის, კიდევ ერთი სენსაციის ავტორი Renault-ის პილოტი Esteban Ocon გახლავთ, მან მეხუთე ადგილის მოპოვება შეძლო.
