ნიდერლანდებში ბაზირებული კომპანია, Classic Youngtimers Consultancy-ზე შეიძლება ითქვას, რომ ეს არის კომპანია, რომელიც მითოლოგიურ პერსონაჟს „ჯინს“ გავს. მათი ინჟინრები და დიზაინრები, მომხმარებლის ნებისმიერ სურვილს ასრულებენ. 
Classic Youngtimers Consultancy-ის ოფიციალურ Web გვერდზე, გასაყიდად გამოჩნდა, ნიჭიერი ინჟინრების ფასდაუდებელი შედევრი: Nissan GT-R Offroad „Godzilla 2.0“ ეს არის ამ კომპანიის რიგით მესამე Offroad პროექტი.
ამ გენიალური პროექტისთვის, პირველი თაობის Nissan GT-R (R35) გამოიყენეს. ინჟინრებმა კლირენსი 12 სანტიმეტრით გაზარდეს, გაუმჯობესეს დაკიდების სისტემა, შეიცვალა ფრთის თაღები და დაუყენეს სპეციალური უგზოობისთვის განკუთვნილი საბურავები. ასევე Godzilla-ს წინა ბამპერზე და სახურავზე დაუყენეს დამატებითი LED ნათება და სათადარიგო საბურავი. ავტომობილის ძარას კი კომუფლირებული ფირი გადააკვრეს. „Godzilla 2.0“-ს ისეთი აგრესიული დიზაინი აქვს, რომ მგონია რეჟისორ ჯორჯ მილერის ფილმის, Mad Max-ის მთავარი პერსონაჟისთვისაა შექმნილი.
ტექნიკური მონაცემები - Godzilla აღჭურვილია, ფორსირებული 3.8 L twin-turbo ძრავით და 600 + ცხენის ძალას გამოიმუშავებს, თუ კომპანია Classic Youngtimers Consultancy-ს დავუჯერებთ, Godzilla-ს 0-დან 100-მდე გასავითარებლად სულ რაღაც 2.5 წამი დაჭირდება და მისი მაქსიმალური სიჩქარე 330 კილომეტრ საათია.
ფასი: ამ საუცხოო და გიჟური ავტომობილის ფასი € 95,000-ია დღევანდელი კურსით 107,589 ამერიკული დოლარი გამოდის
