რამდენიმე დღის წინ ილონ მასკმა , შანხაიში გამართულ ხელოვნური ინტელექტის საკითხებისადმი მიძღვნილ კონფერენციაზე (WAIC 2020) განაცხადა, რომ წლის ბოლოს, კომპანია Tesla-ს ელექტრომობილები აღიჭურვება მეხუთე დონის უპილოტო მართვის სისტემით (Tesla Level 5 - Autopilot Autonomy). ეს განახლება უზრუნველყოფს, ავტომობილის სრულად ავტონომიური მართვის სისტემით გადაადგილებას. მარტივად რომ ავხსნა, Tesla-ს ელექტრომობილი, თბილისიდან ბათუმში თავად ჩაგიყვანს ისე, რომ შენ არ დაგჭირდება საჭის ტრიალი. 
პირადად მე მიმაჩნია, რომ ეს ყველაფერი ფანტასტიკის სფეროაა და მაქამდე ბევრი გვიკლია. აღსანიშნავია ის ფაქტიც, რომ Tesla-ს ამჟამინდელ ავტონომიურ მართვის სისტემას, არაერთი ავარია გამოუწვევია, შეიძლება ეს მძღოლის დაუდევრობის გამოც ხდება ან უბრალოდ წუნი ტექნოლოგიებშია. მაგალითად ორი დრის წინ, 14 ივლისს არიზონას შტატში დაფიქსირდა ავირია, Tesla Model S შეეჯახა პოლიციის Chevrolet Tahoe-ს. დარტყმა იმდენად ძლიერი აღმოჩნდა, რომ პოლიციის შევროლეტი ინერციით იქვე მდგომ სასწრაფოს ეკიპაჟს დაეჯახა. ავარიაში დაშავებულმა 23 წლის მძროლმა, პოლიციის ოფიცერს განუცხადა, რომ ის იყენებდა Tesla's Autopilot-ს.
