2020 წლის 3 მარტს ფორმულა 1-ის ყოფილმა მრბოლელმა და კომპანია Porsche-ს ამბასადორმა Mark Webber-მა, საზოგადოებას წარუდგინა Porsche 911 Turbo S-ის განახლებული ვერსია. მისი უნიკალური ძარის ფორმები 60-იანი წლების შემდეგ არ შეცვლილა.
ახალ Porsche 911 Turbo S-ს ტრადიციულად ოპოზიტური 3.8 ლიტრიანი ექვსცილინდრიანი ძრავა აქვს და ორი VTG turbocharger-ის მეშვეობით 650 ცხენის ძალას და 800 ნიუტონ მეტრს გამოიმუშავებს, რაც წინამორბედთან შედარებით 70 ცხენის ძალით და 50 ნიუტონ მეტრით მეტია. მას 8 საფეხურიანი, PDK ორმაგი გადაბმულობის გადაცემათა კოლოფი აქვს, ის თავის ამოცანას შესანიშნავად ასრულებს. პორშეს სრული ამძრაობა (AWD) აქვს და 0-დან 100-ის გასავითარებლად სულ რაღაც 2.7 წამი სჭირდება, მისი მაქსიმალური სიჩქარე კი 330 კმ/სთ-ია. Porsche-ს მთავარმა ინჟინერმა Dr. Frank-Steffen Walliser-მა ამერიკულ ჟურნალ Road & Track-თან მიცემულ ინტერვიუში, განაცხადა რომ: „If you take a 580-hp car and add another 20 or 30 extra [hp], you won't really feel it“ თუ ავიღებთ 580 ცხენის ძალიან მანქანას და მას დავუმატებთ დამატებით 20 ან 30 ცხენის ძალას თქვენ ამას ვერ შეიგრძნობთ. ამიტომაც გერმანელებმა ახალი 911 აღჭურვეს 650 ცხენის ძალით.
ახალი მოდელის ძარა წინ 45 მმ-ით განიერია, ხოლო უკან 20 მმ-ით. აღსანიშნავია ის ფაქტიც, რომ მისი ლიანდაც გაიზარდა წინ 42 მმ-თი უკან 10 მმ-თი. 911-ში გვხვდება ისეთი ოფციები, როგორიცაა: (PTM) Porsche Traction Management და სპორტული დაკიდების სისტემა, (PASM) Porsche Active Suspension Management, რის მეშვეობითაც უფრო ზუსტად და სწრაფად რეაგირებს გზის ზედაპირზე. 911-ს წინ უყენია 255/35 R20 ხოლო უკან 315/30 R21-იანი საბურავები. ამ ტემპერამენტიან გერმანელს, შერეულ რეჟიმში 100 კილომეტრზე სულ რაღაც 11.1 ლიტრი ბენზინი სჭრიდება.
