ინდუსტრიული რევოლუციისა და მრავალმხრივი განვითარების შედეგად, უფრო და უფრო მეტი საწვავი გახდა საჭირო. ამის გამო კი ჰაერის ქიმიური შემადგენლობის კონტროლი გართულდა. ჰაერი დაბიძნურებულია, ატმოსფერული ნახშირორჟანგის (CO2) კონცენტრაციამ დედამიწაზე უკვე ზღურბლს მიაღწია. ეს კი მეტად სახიფათოა ჩვენი ჯანმრთელობისთვის.
ისიც კარგად უნდა გვესმოდეს, რომ ატმოსფეროში ნახშიროჟანგის მოცულობას, მარტო ხეების დარგვით ვერ შევამცირებთ. საჭიროა ქმედითი ნაბიჯები, როგორიცაა ელექტროფიკაციაში მეტი ინვესტიციის მოზიდვა, რათა სწრაფად და ეფექტურად შევძლოთ, ჩვენი მოძველებული ავტოპარკის, ეკომეგობრული ტრანსპორტით ჩანაცვლება.
ავტოინდუსტრია განვითარების ახალ ეტაპზე გადადის, ეს არის ელექტროფიკაცია. დიდ ბრიტანეთში, პრემიერ მინისტრის, ბორის ჯონსონის ინიციატივით, აღნიშნული პროცესები დაჩქარდა. 2030 წლიდან აიკრძალება შიგაწვის ძავიანი ავტომობილების რეალიზაცია. ელექტრომობილების რაოდენობით, დიდი ბრიტანეთი უსწრებს ისეთ ქვეყნებს, როგორიცაა: საფრანგეთი, გერმანია და ჰოლანდია.
ევროპის რიგი ქვეყნები: დანია, ნიდერლანდები, ისლანდია, შვედეთი, სლოვენია მწვანე პოლიტიკას 2025 წლიდან შეუერთდება, ხოლო კალიფორნიაში ეს რეგულაცია 2035 წლიდან ამოქმედდება. ზოგადად ეს ნაბიჯი შტატის მაცხოვრებლებისთვის ახალი და უჩვეულო არ გახლავთ, რადგან კალიფორნია ჯერ კიდევ 90-იანი წლებიდან იბრძოდა მწვანე პოლიტიკისთვის. კალიფორნიის გუბერნატორი ეკოლოგიის საკითხებს ერთ-ერთ პრიორიტეტად მიიჩნევს. 
აღსანიშნავია ის ფაქტიც, რომ იაპონიის ეკონომიკის, ვაჭრობისა და ინდუსტრიის მინისტრმა, საკმაოდ ამბიციური პროექტი დაანონსა: 2035 წლისთვის, იაპონურ ბაზარზე, მხოლოდ ელექტრო და ჰიბრიდული ავტომობილების რეალიზაცია იქნება ნებადართული. იაპონიის მთავარი გამოწვევაა, 2050 წელს ნულოვანი გამონაბოლქვის მიღწევა „Zero Emissions“
