მესამე თაობის Chevrolet Tahoe, 2006-2013 წლებში იწარმოებოდა. მათი ფასი $8,000-დან იწყება. ერთი შეხედვით Tahoe: ეს არის დიდი, კომფორტული ყველგან მავალი. ზოგადად Tahoe-ს ამერიკაში საკმაოდ რთულ პირობებში უწევს ექსპლუატაციის გავლა, თუმცა გოლიათის უკან მცირედი ხარვეზები მაინც იმალება, ამის შესახებ კი დღევანდელ ბლოგ-პოსტში ვისაუბრებ.
ძარა - მიუხედავად იმისა, რომ Chevrolet-ის ძარა ხარისხიანადაა დამუშავებული და შეღებილი, დროთა განმალობაში ვერ უმკლავდება, კოროზიისგან გამოწვეულ მცოცავ ოკუპაციას. კოროზია უჩნდება ისეთ დეტალებს, როგორიცაა: კარებები, ფრთები, საბარგულის კარები. Chevrolet-ს ჩარჩოიანი კონსტრუქცია (рамная конструкция ) აქვ. ის სქელი მეტალისგანაა დამზადებული, თუმცა რეკომენდირებულია ანტიკოროზიული საშუალებებით დაამუშაოთ, განსაკუთრებით ის ადგილი, სადაც საიდენთიფიკაციო ნომერია მითითებული.
კარდანული ლილვი - Tahoe-ს ტრანსმისიაში სუსტი წერტილი კარდანული ლილვია (Карданный вал), რომელიც უკავშირდება სარიგებელ კოლოფს (раздаточная коробка). 70,000 კილომეტრის გავლის შემდეგ, შევროლეტს ჯვარედი (крестовина) უფუჭდება.
დაკიდების სისტემა - Chevrolet Tahoe-ს ზოგ მოდელს უკან პნევმატური დაკიდების სისტემა აქვს, ეს კი იმაზე უარესი თავის ტკივილია ვიდრე მერსედეს W220-ის „ბალიშები“. მათი საშუალო რესურსი 80,000 კილომეტრია, ხოლო ერთი ცალი პნევმატური ბალიშის ფასი, $185-დან იწყება.
საწვავის ტუმბო - ამერიკული V8 ტიპის ძრავები, საკმაოდ გამძლეა. მათი რესურსი 300,000 კილომეტრზე მეტია, მაგრამ რაღაც პერიოდში, თქვენს ავტომობილს შეიძლება სიმძლავრე დააკლდეს. ამ ყველაფერს უფრო მკვეთრი დაძვრისას შენიშნავთ, ეს კი იმის მანიშნებელია, რომ საწვავის ტუმბო (топливный насос) გაქვთ შესაცვლელი.
დარტყმის გადამწოდი - თუ მართვის პანელზე, მოულოდნელად აირბალიშის ნათურა აინთო, სავარაუდოთ თქვენი ავტომობილის დარტყმის გადამწოდი (AIR BAG IMPACT SENSOR), მწყობრიდან გამოვიდა. თუ ქარხნულ (GM OEM) ნაწილს შეიძენ, მაშინ მისი ფასი $160-დან იწყება, არაორიგინალი ჩინური კი ორჯერ იაფია, არჩევანი შენზეა.
კონდიციონერი - თუ ერთ მშვენიერ დღეს კონდიციონერმა უარი თქვა ინტერიერის გაგრილებაზე, ესეიგი კონდიციონერის მილები და რადიატორი გამოვიდა მწყობრიდან. ძირითადი მიზეზი კი ისევ და ისევ კოროზიაა. იმისათვის, რომ ეს ყველაფერი თავიდან ავიცილოთ, პერიოდულად ავტომობილის ძირი უნდა გაარეცხინოთ, ასევე რადიატორი, ხოლო კონდიციონერის მილები დაამუშავეთ ანტიკოროზიული საშუალებებით.
