2020-08-21

კომპანია Collins Bros Jeep-ის გენიალური პროექტი

ავტორი: გიორგი ლაფერაშვილი
1 წუთის საკითხავი
  • AAტექსტის ზომის შეცვლა



 ფლორიდაში 25-26 აგვისტოს, Mecum-ის აუქციონი გამართავს მორიგ ღონისძიებას სახელად, „Kissimmee 2020 Summer Special“. ზოგადად ამ ტიპის აქუციონებზე, დაახლოებით 1,000-ზე მეტი ეგზემპლარია გასაყიდად გამოტანილი. ძირითადად უფრო 60-70-იანი წლების „მასელ-ქარები“, თუმცა უამრავ ავტომობილებს შორის, ყველაზე დიდი ყურადღება LOT S84-მა მიიქცია.


შენს წინაშეა, წითელი 1989 წლის Jeep Grand Wagoneer, მეტსახელად „Hellwagon“. ერთი შეხედვით შეიძლება იფიქრო, რომ არაფრით გამორჩეული ყველგან მავალია, მაგრამ თავის მოტყუებას ჯობია შევეშვათ. რატომ ? იმიტომ, რომ Grand Wagoneer, 707 ცხენის ძალიანი 6.2L HEMI® V8 ძრავითაა აღჭურვილი.


გენიალური პროექტის სულის ჩამდგმელი, კომპანია Collins Bros Jeep-ის დამაარსებელი, Dennis Collins გახლავთ. მისთვის ასეთი პროექტი არც პირველი და არც უკანასკნელია, რადგან კომპანია Collins Bros Jeep-ის კედლებს მიღმა წელიწადში 20-დან 25-მდე Jeep Grand Wagoneer-ს მაინც უტარებენ რესტავრაციას ან ფორსირებას.


1989 წლის Jeep Grand Wagoneer-ის 6.2L HEMI® V8 დაწყვილებულია, ისევ ძველ სამ საფეხურიან ავტომატურ გადაცემათა კოლოფთან Chrysler TorqueFlite A727, თუმცა მისი მუხრუჭების სისტემა განახლებულია. ძველმოდური მუხრუჭის ვაკუუმური გამაძლიერებელი, ჩანაცვლდა ჰიდრავლიკურით, ასევე შეიცვალა მოძველებური კონდიციონერის სისტემაც.



აღნიშნულ პროექტში მთავარი მაინც ის არის, რომ შენარჩუნებულია 80-იანი წლების Jeep Grand Wagoneer-ის ავთენტური დიზაინი, როგორც ექსტერიერის, ასევე ინტერიერის. „ყველაფერი ახალი ხომ კარგად დავიწყებული ძველია“? Collins Bros Jeep-ს, „Hellwagon“-ის დამზადებაში 460 საათი დაჭირდა და პრეოქტის ღირებულებამ $ 93,000 შეადგინა.


მსგავსი სტატიები

Ford Bronco - ველური ცხენი გვიბრუნდება
Ford Bronco - ველური ცხენი გვიბრუნდება
2020-07-07

ერთ კვირაში, Ford-ის საკულტო მოდელი, Bronco ოფიციალურად დაგვიბრუნდება. თავდაპირველად Bronco-ს დებიუტი მარტში იგეგმებოდა, თუმცა COVID-19-ის მიერ გამოწვეული პანდემიის გამო გადაიდო.

გამორჩეული მანქანები Myauto-დან Vol.1
გამორჩეული მანქანები Myauto-დან Vol.1
2020-02-07

ავტოინდუსტრია მეტად მრავალფეროვანია, ჩვენ ადამიანები ვცდილობთ რაიმე უნიკალური მოვიძიოთ, ვიყოთ სხვებისგან გამორჩეულები. დღეს მინდა შემოგთავაზო ის უნიკალური ტრანსპორტი, რისი ნახვაც შეგვიძლია კავკასიაში ყველაზე დიდ ავტოპორტალში.

გამორჩეული მანქანები Myauto-დან Vol. 11
გამორჩეული მანქანები Myauto-დან Vol. 11
2020-07-13

ორშაბათ დღეს ტრადიციულად გთავაზობ, ხუთ გამორჩეულ ავტომობილს, რომლის ნახვაც შენ შეგიძლია კავკასიაში ყველაზე დიდ ავტოპორტალში.