2020-08-17

Mercedes-Benz S-Class (W220) - რატომ ღირს იაფი ?

ავტორი: გიორგი ლაფერაშვილი
2 წუთის საკითხავი
  • AAტექსტის ზომის შეცვლა

 1998 წელს ახალმა S-Class-მა ინდექსით W220, საკულტო მოდელი W140 დამსახურებულ პენსიაზე გაუშვა. შტუტგარტელებმა სწორედ (W220)-ის მეშვეობით ახალ ათასწლეულში შეაბიჯეს. მერსედესის ხსენებაზე პირველი გვახსენდება: ხარისხი, კომფორტი და მაღალი ფასი, მაგრამ Myauto-ს განცხადებებს თუ გადავხედავთ შევნიშნავთ, რომ პრემიუმ კლასის ავტომობილს Mercedes-Benz S-Class (W220)-ს, არარეალურად დაბალი ფასი ადევს, მეტიც მისი ფასი უტოლდება ისეთ ეკონომ კლასის ავტომობილს, როგორიცაა ჰონდა ფიტი. შექმნილი სიტუაცია მომხმარებლებს აბნევს და ჩნდება ლეგიტიმური კითხვა: „რატომ ღირს S-Class (W220) იაფი? დღევანდელ ბლოგ-პოსტში შევეცდები ამ კითხვას გავცე პასუხი.


როდესაც, გადაწყვეტილი გაქვს შეიძინო, ერთობ პრეზენტაბელური S-Class (W220) არ უნდა დაგავიწყდეს, რომ გარკვეული დროის შემდეგ მოგიწევს „გეგმიური სერვისი“, რომელიც საკმაოდ დიდ თანხებთანაა დაკავშირებული. მაგალითად S-Class (W220), აღჭურვილია პნევმატური დაკიდების სისტემით, ის უზრუნველყოფს გზაზე უნიკალურ სირბილეს, კომფორტს თუ მანევრს.


ზოგადად პნევმატური დაკიდების სისტემის საშუალო რესურსი 150,000 კილომეტრია, თუმცა ისიც გასათვალისწინებელია, რომ მათი სიცოცხლის უნარიანობა დამოკიდებულია სწორ ექსპლუატაციის პირობებზეც. ახალი პნევმატური ამორტიზატორი (ე.წ. პადუშკა) ერთი ცალი რომ შევიძინოთ Bilstein-ის ბრენდის წინაში 2,165 ლარის გადახდა მოგვიწევს, ხოლო უკანაში 1,500 ლარი. მზად ხარ ხარჯი გაიღო ?



„გეგმიურ სერვის“ ისიც აძვირებს, რომ S-Class (W220)-ის სავალი, როგორც წინ, ასევე უკან დახუნძლულია მრავალი ბერკეტით (გიტარები), რომლებიც დროთა განმალობაში მწყობრიდან გამოდის და შეცვლას საჭიროებს. იაფასიანი ნაწილი არ მუშაობს ბრენდირებული კი შესაბამისი ფასი ჯდება, ხოლო OEM უფრო ძვირი ღირს. 



ქარხნულ მდგომარეობაში, შეუღებავი ავტომობილის შოვნა მეტად რთული საქმეა, რადგან ერთ-ერთი მთავარი თავის ტკვილი კოროზიისკენ მიდრეკილებაა. S-Class (W220)-ს კოროზია ძირითადად კარებების ქვეშ, ფრთის თაღებში და ფრთებში უჩნდებათ. სანამ ავტომობილს შეიძენთ მეთუნუქეს აუცილებლად შეამოწმებინეთ. 


დასკვნით ნაწილზე, რომ გადავიდეთ აუცილებლად უნდა აღვნიშნოთ, რომ მეორადი Mercedes-Benz S-Class (W220)-ის ექსპლუატაცია საკმაოდ სოლიდურ თანხებთანაა დაკავშირებული და ხშირ შემთხვევაში, შესაბამის კონდიციაში შენახვა ფინანსების არ ქონის გამო ვერ ხერხდება. ინდივიდს ურჩევნია მოიშოროს ავტომობილი, ვიდრე მის კეთებაში უამრავი ინვესტიცია განახორციელოს. რატომ ? იმიტომ რომ ჩადებულ თანხას უკან ვერ დაიბრუნებს, S-Class (W220) არ მიეკუთვნება „რარიტეტულ“ მოდელეს, კოლექციონერებმა ნადირობა რომ დაიწყონ, ამიტომაც ღირს საკმაოდ იაფი. 

 

მსგავსი სტატიები

2007-14 Nissan X-Trail T31-ის გავრცელებული ხარვეზები
2007-14 Nissan X-Trail T31-ის გავრცელებული ხარვეზები
2020-08-04

დღევანდელ ბლოგ-პოსტში, მეორე თაობის X-Trail T31-ის გავრცელებულ ხარვეზებზე ვისაუბრებ. Nissan X-Trail T31-ის წარმოება 2007 წლიდან დაიწყო და 2014 წლამდე გამოდიოდა. საქართველოში მისი ფასი $4,000-7,500 მერყეობს. ფასი, როგორც ყოველთვის დამოკიდებუ

გაინტერესებს, როგორი მანქანაა Alfa Romeo 156 ?
გაინტერესებს, როგორი მანქანაა Alfa Romeo 156 ?
2020-08-13

თბილისის ქუჩებში აქა-იქ შენიშნავთ, Walter de Silva-ს დიზაინრულ შედევრს, Alfa Romeo 156-ს. ალფა საკმაოდ ახალგაზრდულად და მომხიბლელად გამოიყურება, მაგრამ საქართველოში ნაკლებად პოპულარობით სარგებლობს, თამამად შეიძლება ითქვას, რომ ის სტერეოტიპე

გაინტერესებს როგორი მანქანაა Honda Fit / jazz  (2007-2014) ?
გაინტერესებს როგორი მანქანაა Honda Fit / jazz (2007-2014) ?
2020-06-03

თბილისის ქუჩები, Honda Fit / jazz -ის გარეშე ისეთივეა, როგორც შავი ზღვა დელფინების გარეშე მას თითქმის ყველა შუქნიშანზე შევხვდებით. დღეს ვისაუბრებთ მეორა თაობის Honda Fit / jazz-ის შესახებ.