რამდენიმე დღის წინ, Skoda-მ დაანონსა, რომ ამა წლის პირველ სექტემბერს პრაღაში, მათი პირველი სერიული ელექტრო კროსოვერის დებიუტი შედგება, მანამდე კი ტიზერებით უნდა დავკმაყოფილდეთ. ეს არის მომავლის მანქანა, რომელსაც ფუტურისტული დიზაინი ექნება. მიუხედავად იმისა, რომ ჩვენ 21-ე საუკუნეში გვიწევს ცხოვრება, ფუტურიზმი თვალისთვის მაინც უცხოა და რაღაც დისკომფორტი გეუფლება. ისიც უნდა აღინიშნოს რომ ფუტურისტული იდეების, რეალურ ცხოვრებაში გადმოტანა ადვილი არაა და დიდ ძალისხმევას საჭიროებს.
შეკვეთების მიღება დაწყებულია, ხოლო წარმოება 2021 წლიდან იგეგმება მლადა-ბოლესლავის ქარხანაში. Skoda Enyaq iV აიწყობა Volkswagen-ის MEB-ის პლატფორმაზე. ხელმისაწვდომი იქნება, როგორც უკანა წამყვანი, ასევე სრული ამძრავი. კომპანია Skoda გვპირდება 148 ცხ.ძ და 306 ცხენის ძალიან ვერსიებს. მას ერთი სრული დამუხტვით, 340-დან 500 კილომეტრამდე შეეძლება გავლა, ეს დამოკიდებული იქნება ელემენტის სიმძლავრეზე ( 55, 62 ან 82 kW⋅h).
ეს იქნება პირველი Skoda, რომლის ინტერიერიც ეკოლოგიურად სუფთა მასალებით იქნება გაწყობილი. კონსოლზე გიგანტური 13 დუიმიანი სენსორული ეკრანი იქნება თუმცა სხვა ტექნიკური მონაცემები ამ ეტაპზე უცნობია. საბარგული 585 ლიტრიანი იქნება, ეს კი მოგვცემს მეტი ბარგის გადატანის საშუალებას.
