2020-07-23

Scuderia Ferrari - ცვლილებების დროა

ავტორი: გიორგი ლაფერაშვილი
1 წუთის საკითხავი
  • AAტექსტის ზომის შეცვლა

 ავტოსპორტში ფორმულა ერთი, ყველაზე ძვირი და მაღალტექნოლოგიური სახეობაა, სადაც პილოტები მსოფლიო ჩემპიონის ტიტულისთვის, ხოლო გუნდები კონსტრუქტორთა თასისთვის იბრძვიან. 2020 წლის სეზონი, ფერარისთვის კატასტროფული გამოდგა. სამი ეტაპის შემდეგ, კონსტრუქტორთა თასის ორთაბრძოლაში, სკუდერია ფერარი (Scuderia Ferrari) მეხუთე პოზიციას იკავებს და საგრძნობლად ჩამორჩება მეტოქეებს. ზოგადად ფერარის პრობლემა მარტო არასაკმარის სიჩქარეში არ იმალება, მთავარი თავის ტკივილი არასწორ სტრატეგიაშია.


სიტუაციის გამოსასწორებლად სკუდერია ფერარიმ (Scuderia Ferrari) 22 ივლისს, ტექნიკურ განყოფილებაში, რესტრუქტურიზაცია დაანონსა. იქმნება დამატებით ერთი განყოფილება, რომლის მთავარი მიზანია, ეფექტურობის გაზრდა. ახალ განყოფილებას, ფერარის აეროდინამიკის განყოფილებისა და პროექტების ხელმძღვანელი ენრიკო კარდილე (Enrico Cardile) უხელმძღვანელებს, ხოლო ძალურ დანადგარებზე (Head of Power Unit Area) პასუხისმგებელი, ისევ ენრიკო გუალტერი (Enrico Gualtieri ) იქნება.



რაც შეეხება შასის, მას ისევ სიმონე რესტა Simone Resta (Head of Chassis area) გაუძღვება, ხოლო რბოლის სტრატეგიას ინაკი რუედა (Iñaki Rueda) შეიმუშავებს. ლორან მეკისი (Laurent Mekies) კვლავ დარჩება სპორტულ დირექტორად.



გუნდის ხელმძღვანელმა მატია ბინოტომ (Mattia Binotto), ინტერვიუში განაცხადა: როგორც აღვნიშნეთ, ტექნიკურ განყოფილებაში რესტრუქტურიზაცია დავიწყეთ, გუნდში გადაწყობა დაგვეხმარება საერთო მიზნის მიღწევაში, გავაუმჯობესოთ და დავაჩქაროთ ჩვენი საბრძოლო ბოლიდის შექმნა. მიგვაჩნია, რომ სკუდერია ფერარი (Scuderia Ferrari) დაკომპლექტებულია მაღალკვალიფიციური და დიდი გამოცდილების მქონე სპეციალისტებით. წარუმატებლობა რასაც გუნდი განიცდიდა სამწუხაროდ გარდაუვალი იყო, თუმცა ჩვენ ამას უნდა დავუპირისპიროთ გამიზნული კონკრეტული ნაბიჯები, რომელიც ლიდერობის დაბრუნებაში დაგვეხმარება.



მსგავსი სტატიები

2020 ბელგიის გრან-პრი - 28-30 აგვისტო
2020 ბელგიის გრან-პრი - 28-30 აგვისტო
2020-08-26

გასულ კვირას, ესპანეთსი ფორმულა 1-ის მეექვსე ეტაპი, „Circuit de Barcelona-Catalunya“ ვიხილეთ, ის უფრო მოსაწყენი იყო ვიდრე სანახაობრივი, თუმცა გული არ გაიტეხო, უქმეებზე დიდი შერკინება გველოდება.

ბელგიის გრან-პრის მიმოხილვა
ბელგიის გრან-პრის მიმოხილვა
2020-08-31

2020 წლის 30 აგვისტოს, ბელგიაში ფორმულა 1-ის რიგით მეშვიდე ეტაპი გაიმართა. რბოლას, რა თქმა უნდა, არდენების რეგიონში, მდებარე ავტოდრომმა „Circuit de Spa-Francorchamps“-მა უმასპინძლა.

2020 წლის დრიფტის ჩემპიონატი, ნოდო კოდუას ტრიუმფით დასრულდა
2020 წლის დრიფტის ჩემპიონატი, ნოდო კოდუას ტრიუმფით დასრულდა
2020-12-03

22 ნოემბერს 14:00 საათზე, თბილისში, მახათას მთის მიმდებარე ტერიტორიაზე, საქართველოს დრიფტის შემპიონატის, ფინალური ეტაპი გაიმართა. ჩემპიონატში, ათმა პროფესიონალმა ავტომრბოლელმა მიიღო მონაწილეობა: