გასულ კვირას, ვიხილეთ საკმაოდ დაძაბული და სანახაობრივი რბოლა ავსტრიაში, შტირის ავტოდრომზე თუმცა ეს ყველაფერი არაა, რადგან წინ გველის კიდევ უფრო დიდი შერკინება, რომელიც 2020 წლის ფორმულა 1-ის კალენდრის მიხედვით, 19 ივლისს უნგრეთში უნდა ჩატარდეს.
2020 Hungarian Grand Prix-ის პრაქტიკა გაიმართება შემდეგ რიცხვებში:
- 17 ივლისი Practice 1 დაწყების დრო - 13:00 - 14:30
- 17 ივლისი Practice 2 დაწყების დრო - 17:00 - 18:30
- 18 ივლისი Practice 3 დაწყების დრო - 14:00 - 15:00
რაც შეეხება Hungarian Grand Prix-ის კვალიფიკაციას, ის 18 ივლისს 17:00 საათზე დაიწყება, ხოლო რბოლა, კვირას 19 ივლისს ჩატარდება. პილოტებს ჯამში 70 წრის გავლა მოუწევთ, მთლიანი გასავლელი მანძილი 306.63 კილომეტრია. 2019 წლის უნგრეთის გრან პრის, ყველაზე სწრაფი წრის (Lap Record 1:17.103) ავტორი Max Verstappen გახლავთ.
ისტორია - ქალაქ ბუდაპეშტიდან, სულ რაღაც 26 კილომეტრში, შეგხვდება პატარა ტრადიციული უნგრული სოფელი Mogyoród. აქ მდებარეობს Hungaroring-ის ავტოდრომი, ის 1986 წელს აშენდა. ავტოდრომი 14 მოსახვევისგან შედგება. ერთი სრული წრის მანძილი 4,381 კმ-ს შეადგენს.
1986 წლის 10 აგვისტოს, პირველად უნგრეთის გრან პრი გაიმართა. რბოლა ძალიან დაძაბული გამოდგა, მთავარი შერკინება Nelson Piquet-სა და Ayrton Senna-ს შორის შედგა. გამარჯვება დაძაბულ ორთაბრძოლაში, Williams-Honda-ს საჯინიბოს მრბოლელმა Nelson Piquet-მ მოიპოვა, პოდიუმზე მეორე ადგილი Ayrton Senna-ს ერგო, ხოლო მესამე ბრიტანელ მრბოლელს Nigel Mansell-მ.
