2020-05-19

2020 Lamborghini Huracán EVO RWD Spyder

ავტორი: გიორგი ლაფერაშვილი
2 წუთის საკითხავი
  • AAტექსტის ზომის შეცვლა

 

 ორი კვირის წინ Lamborghini-იმ ახალი სპორტული ავტომობილი წარმოგვიდგინა. ეს არის 2020 წლის Lamborghini Huracán Evo RWD Spyder. ამ მოდელმა თითქოს გააცოცხლა საკუთარი ოჯახის ისტორია, მისცა მას ფართო, სიმბოლური მნიშვნელობა.

ძარა - Huracán-ი ალუმინისგან და ნახშირბადის ბოჭკოსგანაა (carbon fiber) დამზადებული, ავტომობილის მასა შემდეგნაირადაა გადანაწილებული: 40 % (წინ) და 60 % (უკან), ის ჯამში 1,509 კილოგრამს იწონის. საბარგულის მოცულობა 100 ლიტრს შეადგენს, რაც იმას ნიშნავს, რომ გუდვილის 4-5 პარკის მოთავსებას თავისუფლად შეძლებ. Huracán-ი აღჭურვილია Pirelli P Zero-ს სპეციალური საბურავებით, წინ 245/35 ZR19-იანი, ხოლო უკან 305/35 ZR19.


ძრავა და ტრანსმისია - ლამბო უკანა წამყვანია და აღჭურვილია, 610 ცხენის ძალიანი ატმოსფერული, 5,2 V-10 ძრავით და შვიდ საფეხურიანი ორმაგი გადაბმულობის, ნახევრად ავტომატური გადაცემათა კოლოფით (LDF dual-clutch transmission). მძღოლს შეუძლია აირჩიოს მართვის სამი რეჟიმი: Strada - ქალაქისთვისაა განკუთვნილი, ხოლო Sport და Corsa სარბოლო რეჟიმებია. თუ კომპანიას დავუჯერებთ Huracán Evo RWD Spyder-ს 100 კმ/სთ-ს განვითარება 3,5 წამში შეეძლება, ხოლო მისი მაქსიმალური სიჩქარე 324 კმ/სთ იქნება.

ინტერიერი - იტალიელებს დიზაინი არასდროს ეშლებოდათ, აქ არის მულტი ფუნქციური საჭე, ცენტრალურ კონსოლზე, ლამაზადაა ჩაშენებული 8,4 დუიმიანი touch screen ეკრანი. ლამბოს სპორტული სავარძლები, ნახშირბადის ბოჭკოსგანაა (carbon fiber) დამზადებული და გაფორმებულია უმაღლესი ხარისხის ტყავით და ალკანტარით. სახურავის გადახდას სულ რაღაც 17 წამი სჭირდება.


წვა - ლამბო შერეულ რეჟიმში 13,9 ლიტრ საწვავს მოიხმარს, მისი ავზის მოცულობა კი 83 ლიტრს შეადგენს. თუ შაბათ-კვირას, რუსთავის ავტოდრომზე „დამპლურ თამაშებს“ გადაწყვეტ 13,9 ლიტრი ნამდვილად არ გეყოფა.


ფასი - თუ ფიქრობ რომ ეს საშენო ავტომობილია, მაშინ ისიც უნდა იცოდე, რომ  2020 წლის Lamborghini Huracán Evo RWD Spyder-ში $287,400-ის გადახდა მოგიწევს.


დასკვნა - ლამბოს დიდება ქუხს ევროპის ერთი კიდიდან მეორემდე და ეჭვი არ უნდა შეგვეპაროს იმაში, რომ მისი კონკურენტები უმძიმეს საგონებელში არიან ჩავარდნილი.

მსგავსი სტატიები

ილონ მასკმა ყველაზე სწრაფი Model S Plaid დაანონსა
ილონ მასკმა ყველაზე სწრაფი Model S Plaid დაანონსა
2020-09-25

ამა წლის 22 სექტემბერს, კომპანია Tesla-მ ღონისძიება „Battery Day“ გამართა. ერთი შეხედვით, სხვა ღონისძიებებისგან, თითქოს არაფრით განსხვავდებოდა, მაგრამ კომპანიის აღმასრულებელმა დირექტორმა ილონ მასკმა, რამდენიმე მნიშვნელოვანი განცხადება გააკ

2021 Porsche 911 Turbo S
2021 Porsche 911 Turbo S
2020-03-19

2020 წლის 3 მარტს ფორმულა 1-ის ყოფილმა მრბოლელმა და კომპანია Porsche-ს ამბასადორმა Mark Webber-მა, საზოგადოებას წარუდგინა Porsche 911 Turbo S-ის განახლებული ვერსია. მისი უნიკალური ძარის ფორმები 60-იანი წლების შემდეგ არ შეცვლილა.

2021 Ram TRX-ის დებიუტი შედგა
2021 Ram TRX-ის დებიუტი შედგა
2020-08-18

10 წლის წინ, ჩვენ ვიხილეთ Ford F-150 Raptor-ის დებიუტი. ფორდს, როგორც ასეთი პირდაპირი კონკურენტი დღემდე არ ყავდა, თუმცა მისი ჰეგემონია დასასრულს მიუახლოვდა, რადგან დიდიხნიანი ლოდინის შემდეგ კულისებიდან გამოვიდა, ღირსეული კონკურენტი 2021 წლი