სეზონის დაწყებამდე მოტოციკლში ახალი ზეთის ჩაასხმა და ფილტრის შეცვლა მნიშვნელოვანია. ზამთარში ნადგომმა ზეთმა შეიძლება კონდენსაცია განიცადოს, ამიტომ გარისკვას ჯობია რამდენიმე ასეული ლარი გადაიხადო ახალ ზეთში და ფილტრში, ვიდრე ძრავი გაგიხდეეს საყიდელი.
მოტოციკლეტში ძრავის ზეთის შეცვლა ძალიან მარტივია და დიდ დროსაც არ მოითხოვს, მთავარია ელემენტარული ხელსაწყოები მოიმარაგო, როგორიცაა:
- რეზერვუარი რაშიც ძველ ზეთს ჩაასხამ
- ძაბრი
- სახრახნისი: ბრტყელი და ფიგურული
- ფილტრის მოსახსნელი ინსტუმენტი
- ძრავის ზეთის, ჩამოსაშვები ჭანჭიკისთვის (сливной болт) მოსახსნელი17mm ქანჩის გასაღები. უმეტესად 17-იანი გვხვდება, თუმცა მსგავსი ინფორმაცია ყოველთვის მოტოციკლის Owner's Manual-ში წერია
სანამ შეუდგები ძრავის ზეთის შეცვლას, პირველ რიგში მოძებნე. ძრავის ზეთის ჩამოსაშვები ჭანჭიკი, შეიძლება პლასმასის მოხსნაც დაგჭირდეს, ამის შემდეგ ძრავა გაათბე.
- მოხსენი ძრავის ზეთის ხუფი
- ქანჩით მოხსენი, ძრავის ზეთის ჩამოსაშვები ჭანჭიკი (сливной болт) . ძველი ზეთის ძრავიდან ჩამოცლას დაახლოებით 10-15 წუთი მაინც ჭირდება, ამის შემდეგ გაასუფთავეთ ჭანჭიკი და საყელური (წამოსაცმელი ბრტყელი რგოლი), შემდეგ დაუჭირე
- მოხსენით ზეთის ფილტრი შესაბამისი ხელსაწყოთი
- ახალ ზეთის ფილტრს, წრიულად წაუსვი ახალი ზეთი და შიგნით მცირე ოდნებით ჩაასხი და ისე დაუჭირე
- ჩაასხი შესაბამისი რაოდენობის ძრავის ზეთი, რამდენიც კატალოგში ან Owner's Manual-შია მითითებული
- დაუჭირე ძრავის ზეთის ხუფი
- დაქოქე ძრავა და ამუშავე დაბალ ბრუნზე რამდენიმე წუთი, შემდეგ შეამოწმე ძრავის დონე და გადაამოწმე შესრულებული სამუშაოები. თუ ყველაფერი რიგზეა, მაშინ პლასმასები უკან თავის ადგილას დაუყენე თუ რა თქმაუნდა მისი მოხსნა მოგიწია.
