რამდენიმე დღის წინ, მეტად საინტერესო სარეკლამო რგოლი ვიხილეთ, სადაც მთავარ როლს ჰოლივუდის ვარსკვლავი ვინ დიზელი ასრულებს. მიუხედავად იმისა, რომ მას არასდროს ჰქონდა ჯეიმს ბონდის როლზე პრეტენზია, მოუწია ჯაშუშის როლის მორგება და საკმაოდ კარგადაც გამოუვიდა. ყველაზე საინტერესო ის არის, რომ ვინ დიზელი გადაადგილდება ელექტრო სკუტერით, დიახ ტექნოლოგიურ ეპოქაში სტერეოტიპები იმსხვრევა.
ელექტრო სკუტერი Yadea G5 მცირედით, ლეგენდარულ Vespa-ს წააგავს, თუმცა ეს უფრო ფუტურისტურია და საკულტო ფილმის „Back to the Future“-ს გმირს, ექსცენტრიულ პროფესორს, ემეტ ბრაუნს უფრო შეეფერება, ვიდრე ჯაშუშს, თუმცა რა გაეწყობა? ვინ დიზელი ხომ კომპანიის ამბასადორია.
რაც შეეხება ელექტრო სკუტერს: Yadea 5G-ის ორი ვარიანტი იწარმოება:
- Yadea 5G City – 85 კილოგრამს იწონის, აღჭურვილია 2300 ვატიანი ძრავით და 1,56 kWh სიმძლავრის ელემენტით. ერთი დამუხტვით 60 კილომეტრს გაგატარებს და მისი მაქსიმალური სიჩქარე 45 კმ/სთ შეადგენს, ხოლო
- Yadea 5G Pro – 100 კილოგრამს იწონის, ის შედარებით მძლავრია, 3100 ვატიანი ძრავი და 1.9 kWh სიმძლავრის ელემენტითაა აღჭურვილი. ერთი დამუხტვით 130 კილომეტრის გავლა შეგიძლია და მაქსიმალური სიჩქარე კი 60 კმ/სთ შეადგენს.
Bloomberg-ის ცნობით, ჩინეთის ბაზარზე კომპანიის გაყიდვებმა 90 %-ს, მას შემდეგ გადააჭარბა, რაც Yadea-მ ვინ დიზელის შესრულებით სარეკლამო რგოლის ტრანსლაცია დაიწყო.
