ამ ძალზედ რთულ პერიოდში მნიშვნელოვანია, რომ ჩვენი ტრანსპორტის ინტერიერი, გულდასმით იყოს გასუფთავებული, რათა თავიდან ავიცილოთ კორონა ვირუსით დაინფიცირება. პირველ რიგში შეცვალე სალონის ფილტრი.
სალონის ფილტრი - წმენდს ჰაერს, რომელიც გათბობა-გაგრილების და ვენტილირების სისტემიდან აღწევს ავტომობილის სალონში. ამ გზით მძღოლი თუ მგზავრი დაცულია, როგორც მტვრისგან, ასევე ბაქტერიებისგან, რაც ორმაგად მნიშვნელოვანია თუ ალერგიასთან და სასუნთქი სისტემის პრობლემებთან გვაქვს შეხება.
ინტერიერი - თუ ყოველდღე გიწევს მანქანით გადაადგილება, სადეზინფექციო ხსნარით დაამუშავე შენი მანქანის ინტერიერი, კონკრეტულად:
- კარის გარე თუ შიდა სახელურები
- სავარძლის სარეგულირო
- საჭე
- მოხვევის თუ ახლო განათების ჩამრთველები
- გადაცემათა კოლოფის ბერკეტი
- კოკპიტი
- ცენტრალური კონსოლი
- მაგნიტაფონი
- კლიმატკონტროლის ღილაკები
- სარკე
- საქარე მინდა და ყველა შუშა
- გასაღებები
ამ სამუშაოებისთვის დაგვჭირდება, სამედიცინო ხელთათმანები, ბამბა, სადეზინფექციო ხსნარი თუნდაც სამედიცინო სპირტი, სველი ხელსახოცი და რამდენიმე სუფთა ნაჭერი. სამუშაოების დასრულების შემდეგ აუცილებლად კარგად დაიბანეთ ხელები.
რა არის ხელების სწორად დაბანვის საუკეთესო გზა ?
- დაისველეთ ხელები გამდინარე წყლით
- წაისვით საკმარისი რაოდენობის საპონი, რომ დაფაროთ სველი ხელები და 20 წამის განმალობაში კარგად დაიმუშავეთ
- კარგად ჩამოიბანეთ გამდინარე წყლით
- გაიშრეთ ხელები ქსოვილის სუფთა პირსახოცით ან ერთჯერადი ხელსახოცით.
როგორ ვრცელდება კორონავირუსი COVID-19 ?
ვირუსი ვრცელდება დაინფიცირებული ადამიანის რესპირაციულ წვეთებთან უშუალოდ კონტაქტის გზით და ვირუსით დაინფიცირებულ ზედაპირთან შეხებით. COVID-19 ზედაპირზე რამდენიმე საათს ძლებს, მაგრამ კვდება მარტივი დეზინფექცირებისას.
