ბავშობაში, ბევრჯერ გვიოცნებია მფრინავ ავტომობილზე, მაგრამ ჩვენი ოცნებები, ოცნებებად რჩებოდა. აღსანიშნავია ის ფაქტიც, რომ ფუტურისტული იდეების, რეალურ ცხოვრებაში გადმოტანა ადვილი საქმე არაა. ის დიდ ძალისხმევას საჭიროებს, თუმცა ტექნოლოგიურ ეპოქაში, მფრინავი ავტომობილები, სულაც აღარ წარმოადგენს ფანტასტიკის სფეროს.
2023 წლიდან, გერმანული კომპანია Volocopter, სინგაპურში მფრინავი ტაქსის სერვისი ამოქმედდებას გეგმავს. ფრინავი ტაქსი, საცობებისგან თავის არიდების საუკეთესო საშუალებაა. ის, როგორც ყველაზე სწრაფი, ამავდროულად ეკოლოგიურად სუფთა ტრანსპორტი იქნება.
ერთი შეხედვით, უპილოტო საფრენი აპარატი Volocopter 2x, უფრო „დრონს“ წააგავს, ვიდრე მფრინავ ავტომობილს. მას ვერტიკალურად აფრენა და დაჯდომა შეუძლია. ის სულ რაღაც 290 კილოგრამს იწონის. მისი სიგრძე 3,20მ. შეადგენს, ხოლო სიგანე კი 9,15მ. Volocopter 2x აღჭურვილია, 9 ცალი ლითიუმ-იონური ელემენტით. მისი მაქსიმალური ფრენის სიჩქარე 100 კმ/სთ იქნება და 27 კილომეტრის მანძილზე ორი მგზავრის გადაყვანა შეეძლება.
დაბოლოს, 2023 წელს გერმანელების კვალდაკვალ, ამერიკული კომპანია Uber-ი, სტარტაპ კომპანია Joby Aviation-თან ერთად, გეგმავს მფრინავი ტაქსის სერვისი ამოქმედდებას. სამწუხარო ის არის, რომ ჩვენი ქვეყანა ამ დიდ სიახლეებს, კიდევ დიდხანს ფეხს ვერ აუწყობს და არც ის ვიცით თუ როდის შევაბიჯებთ განვითარების საფეხურს.
