2020-10-29

Bugatti-ის მორიგი სრულყოფილება

ავტორი: გიორგი ლაფერაშვილი
2 წუთის საკითხავი
  • AAტექსტის ზომის შეცვლა

 მიუხედავად იმისა, რომ Bugatti-ის, რთულ პირობებში უწევს არსებობა, კომპანიამ მაინც შეძლო ჩვენი გაოცება. რამდენიმე დღის წინ, პროტოტუპული მოდელი Bugatti Bolide წარადგინეს. „Bolide“ ავტოდრომისთვის განკუთვნილი ჰიპერავტომობილია. ზოგადად ფუტურისტული დიზაინის მოყვარული არ ვარ, მაგრამ „Bolide“ რომ ვნახე, ქვეყნად ყველაფერი სხვა დავივიწყე და მხოლოდ მის ერთადერთ არსებობაში შევნიშნე ეს ერთადერთი სრულყოფილება. 



ჰიპერავტომობილის ძარა, ძირითადად ნახშირბადის ბოჭკოსგანაა დამზადებული. ის სულ რაღაც 1240 კილოგრამს იწონის. მარტივად რომ წარმოიდგინო, Bugatti Bolide 7 კილოგრამით მსუბუქია ვიდრე, Toyota GT86. იმისათვის, რომ სიმძიმის ცენტრი შეენარჩუნებინათ, კლირენსი 75 მმ-ით დაწიეს.


საინტერესოა ის ფაქტიც, რომ Bolide“ შესაქმნელად, გამოყენებულია, როგორც Bugatti Chiron-ის შასი, ასევე ოთხტურბინიანი W16 8.0 ძრავა, რომელიც დაწყვილებულია 7-საფეხურიან DSG გადაცემათა კოლოფთან. თუმცა აგრეგატი, გაუმჯობესებული ტურბინებითაა აღჭურვილი. თუ Bolide-ს, 98 ოქტანობის საწვავზე ავამუშავებთ, ის 1,578 ცხენის ძალას და 1,600 ნიუტონ მეტრის გამომუშავებას შეძლებს, ხოლო 110 ოქტანობის საწვავზე, ბუგატის 1824 ცხენის ძალა და 1850 ნ.მ. ექნება. 


რაც შეეხება აჩქარებას:

0 – 100 კმ/სთ  2.17 წამი

0 – 200 კმ/სთ  4.36 წამი

0 – 300 კმ/სთ  7.37 წამი

0 – 400 კმ/სთ  12.08 წამი

0 – 500 კმ/სთ  20.16 წამი

საფარზე იდეალურ მოჭიდებას, Michelin-ის ბრენდის „სლიკები“ უზრუნველყოფს. Bugatti Bolide-ს, წინ 30/60 R18 და უკანა 37/71 R18 უყენია, ხოლო დისკები კი ჩვენთვის კარგად ნაცნობი, OZ Racing-ის ბრენდის, მაგნიუმისგან დამზადებული 18-იანი დისკებით აღჭურვეს. ჰიპერავტომობილი Bugatti Bolide, ისეთივე განუმოერებელია ტექნოლოგიისა და დიზაინის თვალსაზრისით, როგორც გასული საუკუნის 20-იან წლებში Bugatti Type 35.


ფაქტი სახეზეა, რომ Bugatti Bolide-ს, უკეთესი მონაცემები აქვს, ვიდრე ამერიკულ ჰიპერმავტომობილს SSC Tuatara-ს. თუმცა რეალური შედეგის ნახვა, მხოლოდ მაშინ იქნება შესაძლებელი თუ ისინი, რომელიმე ავტოდრომზე დაეჭიდებიან, მაგრამ საკითხავია: „როდის განხორციელდება ეს ყველაფერი ?  


ბუგატის მთავარმა დიზაინერმა, ეკიმ ენშაიდტმა (Achim Anscheidt) ინტერვიუში ბრძანა, რომ „Bugatti-ში 16 წლიანი მუშაობის განმალობაში, მე არასდროს მიმუშავია Bolide-ზე უფრო ექსტრემალურ კონცეფციაზე“. 

მსგავსი სტატიები

საბურთალოზე საათობრივი პარკირების სისტემა ამოქმედდა
საბურთალოზე საათობრივი პარკირების სისტემა ამოქმედდა
2020-09-17

საბურთალოს რაიონში ზონალურ-საათობრივი პარკირების სისტემა, 10 სექტემბრიდან რამდენიმე გამზირსა და ქუჩაზე ამოქმედდა.

გაიცანით Volvo-ს პირველი ელექტრო კროსოვერი
გაიცანით Volvo-ს პირველი ელექტრო კროსოვერი
2020-05-07

Volvo, ეს არის მსოფლიოში აღიარებული ბრენდი, რომელიც ყველაზე უსაფრთხო ავტომობილებს აწარმოებს. მისი სლოგანიც ხო შესაბამისია „VOLVO FOR LIFE“, გასულ წელს შვედურმა კომპანიამ დააანონსა ახალი პროგრამა, რომელიც ითვალსწინებს კლიმატის ცვლილებასთან ბ

 Audi TT RS „40 Years of Quattro“
Audi TT RS „40 Years of Quattro“
2020-10-16

კომპანია Audi-იმ სპეციალური მოდელის, TT RS-ის წარმოება დაანონსა. შეიძლება ლეგიტიმური კითხვა დაგებადოთ: რა აქვს ამ მოდელს სპეციალური და განსაკუთრებული? საქმე იმაშია, რომ 40 წლის წინ, 1980 წლის 3 მარტს, ჟენევის ავტოშოუზე კომპანია Audi-იმ, Ur-