დიდიხნიანი ლოდინის შემდეგ, შტუტგარტელებმა ოფიციალურად წარადგინეს, S-Class-ის W223 მოდელი. 21-ე საუკუნის S-Class, უფრო ინტელიგენტური დიზაინი აქვს, თუმცა ტრადიციული კონტურები არ დაუკარგავს და მრავალ ავტომობილს შორის მარტივად ამოიცნობ. S-Class სრულიად ახალ პლატფორმაზე MRA II აიგო. მერსედესის გაბარიტები საგრძნობლად გაიზარდა. ავტომობილის სიგრძე, 5179 მმ, ხოლო სიგანე 1954 მმ-ს შეადგენს, თუმცა W223-ის წარმატების ფორმულა, იმაში მდგომარეობს, რომ ძარის 50 % ალუმინის შენადნობისგან (aluminium alloy) დაამზადეს.
S-Class-მა, ერთდროულად ორი სრულიად მართვადი შასი მიიღო: პირველ შემთხვევაში უკანა თვლებს 4,5 გრადუსით მოხვევა შეუძლია, ხოლო მეორე ვარიანტს 10 გრადუსით. W223-ის ჰიდროპნევმატურ დაკიდების სისტემას (E-Active Body Control) შეუძლია, როგორც ამორტიზატორების დარეგულირება, ასევე 8 სანტიმეტრით სიმაღლეში აწევა. ეს ფუნქცია მაშინ ამოქმედდება, როდესაც ავტომობილს, გვერდიდან შეჯახების საშიშროება დაემუქრება. 
მერსედესის მთავარმა დიზაინერმა, Gorden Wagener-მა საკმაოდ თამამი ნაბიჯები გადადგა, S-Class ისეთივე ელექტრო კარის სახელურები აქვს, როგორც Tesla Model S.
მომავლის S-Class-ს, ფუტურისტული ინტერიერი აქვს. კოკპიტზე მოთავსებულია 12,3 დუიმიანი მთავარი მართვის პანელი, სადაც მთელი საჭირო ინფორმაცია აისახება, ხოლო ცენტრალურ კონსულზე, ვერტიკალურად მოთავსებულია 12,8 დუიმიანი სამგანზომილებიანი გამოსახულებით, თაჩსქრინ-LCD დისფლეი, განახლებული მეორე თაობის MBUX სისტემით. მერსედესი მანქანაზე მეტია, მას ესმის ხმოვანი ბრძანებები, ის ჩვენს ჟესტიკულაციას ადევნებს თვალს. ინტერიერი აღჭურვილია Burmester-ის 30 დინამიკით, მერსედეს ისეთი გასაოცარი აკუსტიკა აქვს, თვით ვენის სახელმწიფო ოპერასაც კი შეშურდება.
S-Class-ის ფლობელს, აღარ მოუწევს ხელით: საჭის, სარკეების თუ სავარძლის დარეგულირება. ამ ყველაფერზე ხელოვნური ინტელექტი იზრუნებს, მთავარია ციფრულ ასისტენტს თქვენი სიმაღლე გაანდოთ და ის ოპტიმალურ ვარიანტს შემოგთავაზებთ.
რაც არუნდა პარადოქსული იყოს, S-Class 100 კილომეტრზე, საშუალოდ 6,4-დან 9,5-მდე საწვავს მოიხმარს. მისი აეროდინამიკური წინაღობა 0,22-ია.
გერმანიაში შეკვეთების მიღება, სექტემბრის შუა რიცხვებიდან იქნება შესაძლებელი, ხოლო დილერებთან დეკემბრიდან. ახალი Mercedes-Benz S-Class W223, ხელმისაწვდომი იქნება ხუთი სხვადასხვა სახის ძრავითი, ხოლო ძრავები დაწყვილებული იქნება 9G-Tronic ავტომატურ გადაცემათა კოლოფთან.
დიზელი:
- S 350 d (286 ცხ.ძ 600 ნ.მ)
- S 350 d 4MATIC (286 ცხ.ძ 600 ნ.მ)
- S 400 d 4MATIC ( 330 ცხ.ძ. 700 ნ.მ)
ბენზინი:
- S 450 4MATIC (367 ცხ.ძ 500 ნ.მ)
- S 500 4MATIC (435 ცძ.ძ 520 მ.მ)
ორივე ბენზინის ძრავს, 48 ვოლტიანი ელექტროსისტემა აქვს, მისი მეშვეობით ავტომობილს 22 ცხენის ძალას ემატება.
