უცხოპლანეტელების ჰიპერმანქანა არ გეგონოთ, ეს არის კომპანია Hyperion Motors-ის ინჟინრული შედევრი, რომლის დამზადებაში აქტიურადაა გამოყენებული კოსმოსური ტექნოლოგიები. ინჟინრებს რამდენიმე წელიწადი დაჭირდათ, რათა გიჟური იდეები რეალობად ექციათ. კომპანიის ცნობით, 2020 წლისთვის 300 ეგზემპლარის დამზადება იგეგმება, თუმცა ფასი ამ ეტაპზე უცნობია.
მომავლის ჰიპერმანქანის Hyperion XP-1-ის ძარა დამზადებულია, როგორც ტიტანისგან ასევე ნახშირბადის ბოჭკოსგან (carbon fiber) და სულ რაღაც 1031 კილოგრამს იწონის. ძირითადი სიახლე მაინც ის არის რომ, Hyperion XP-1 წყალბადზე იმუშავებს და ერთი სრული დამუხტვით 1609 კილომეტრის დაფარვას შეძლებს. ზოგადად რთულია ისაუბრო ისეთ ავტომობილზე, რომლის შესახებაც სრული ინფორმაცია არ მოიპოვება, მაგალითად XP-1-ს 1,000 ცხენის ძალაზე მეტი ექნება, მაგრამ ეს არი არის ოფიციალურ ინფორმაცია, ასევე საიდუმლოდ ინახავენ აგრეგატის შესახებ ინფორმაციას. მხოლოდ ის არის ცნობილი, რომ XP-1 სრული ამძრავია, სამ საფეხურიანი გადაცემათა კოლოფით იქნება აღჭურვილი და რამდენიმე ელექტრო ძრავა ექნება მუდმივ მაგნიტზე. Hyperion Motors გვარწმუნებს, რომ მათი ჰიპერმანქანა 100 კილომეტრს 2,2 წამზე ნაკლებ დროში განავითარებს და მაქსიმალური სიჩქარე კი 356 კმ/სთ იქნება.
Hyperion XP-1-ს ულტრა მსუბუქი, ალუმინის შენადნობისგან დამზადებული, ორმაგი განივი ბერკეტი აქვს და ავტომობილის ოთხივე ბორბალი დამოუკიდებელ საკიდარს ეყრდნობა. XP-1 ნახშირბადის ბოჭკოსგან (carbon fiber) დამზადებული 21-იანი დისკებითაა აღჭურვილი, ხოლო საფარზე მოჭიდებაზე პასუხისმგებელი, Pirelli P Zero-ს საბურავებია, წინ 255/30 ZR21 უკან 335/25 ZR22.
ინტერიერს რომ შევხედოთ, შეიძლება ვერც ვიფიქროთ რომ ეს რეალური ავტომობილია, კოკპიტზე მოთავსებულია გიგანტური, 98 დუიმიანი ეკრანი, იმდენად ფუტურისტული დიზაინი აქვს, რომ ასე მგონია სადღაც მარსზეა დამზადებული და არა კალიფორნიაში.
