თანამედროვე ავტოინდუსტრიაში, ცვლილებები იმდენად სწრაფად ხორციელდება, რომ ვერ ვასწრებთ ინფორმაციის სრულად გადამუშავებს. ამ სიტუაციამ თითქოს შეგვაჩვია უტოპიურ პროექტებს. რამდენიმე დღის წინ, კონცერნ ჯენერალ მოტორსის ელექტრო კროსვერის, Cadillac Lyriq-ის პრეზენტაცია გაიმართა. მისი წარმოება 2022 წლიდან იგეგმება და ფასი $ 75,000-დან დაიწყება.
რა თქმა უნდა, მომავლის მანქანას, ფუტურისტული დიზაინი აქვს. არ მინდა ვიყო კრიტიკოსი, მაგრამ სხვას არც მოველოდი. კროსოვერი ახალ პლატფორმაზე აიგება. აღჭურვილი იქნება Ultium-ის ელემენტით, რომელიც General Motors-მა და LG Chem-მა ერთობლივად შეიმუშავეს. მისი მეშვეობით ერთი სრული დამუხტვით, 480 კილომეტრს გაგვატარებს, უფრო მარტივად რომ წარმოვიდგინოთ ფოთში უფასოდ ჩახვალ.
ინტერიერი Tesla Model X-ზე დახვეწილია, მთელი საჭირო ინფორმაცია კოკპიტზე განთავსებულ 33 დუიმიანი დისფლეიზე აისახება. კადილაკის ელექტრო კროსოვერს ისეთი ფუნქციები ექნება, როგორიცაა პარალელური და პერპენდიკულარული ავტომატური პარკირების სისტემა, ავტოპილოტი Super Cruise, Apple CarPlay, Android Auto, Wi-Fi hotspot. აუდიო სისტემას უზრუნველყოფს, გერმანული ბრენდის AKG Studio sound system-ის 19 დინამიკი. სამწუხაროდ სხვა ტექნიკური მონაცემები ამ ეტაპზე უცნობია.
კადილაკი გეგმავს გაუწიოს კონკურენცია ისეთ მოდელებს, როგორიცაა : Audi e-tron, Jaguar I-Pace და Tesla Model X. იქნება თუ არა Cadillac Lyriq მაღალკონკურენტუნარიანი ელექტრო კროსოვერი, ამას უკვე მომავალი გვიჩვენებს, თუმცა Cadillac-ის ხელმძღვანელი, სტივ კარლაილმი საკმაოდ ოპტიმისტურადაა განწყობილი.
