ერთი შეხედვით ბავარიელი, მომხიბლელია თუმცა სილამაზისა და ტექნოლოგიების უკან მცირედი გაუმართაობები იმალება. დღეს ვისაუბრებ იმ შესაძლო პრობლემებზე, რომელიც BMW F10 550i-ს აწუხებს. სანამ შევიძენთ უმჯობესია წინასწარ ვიცოდეთ ამ ყველაფრის შესახებ, თუმცა ჩამოთვლილი „პრობლემები“ აპრიორი იმას არ ნიშნავს, რომ თქვენს მანქანას ეს შეაწუხებს. ყველაფერი დამოკიდებულია, როგორც გამოდგომაზე, ასევე იღბალზე.
ძრავის კონსტრუქციული წუნი - F10-ის N63B44 ძრავა, საიმედოობით არ გამოირჩევა. ძირითადი პრობლემა მის კონსტრუქციაში იმალება. ინჟინრება Twin-Turbo ცილინდრთა ბლოკს შორის დააყენეს. ეს გადაწყვეტილება კი იწვევს, ძრავის სხვადასხვა დეტალის გადახურებას.
ზეთის ჟონვა - მორიგი თავის ტკივილი, შუასადებიდან თუ ჩობალიდან ზეთის ჟონვაა. ასევე გასათვალისწინებელია ის ფაქტრიც, რომ თუ აგრესიული ტარების სტილი გაქვს, მალევე მოგიწევს სარქველის ჩობალის (valve seal) შეცვლა. მისი რესურსი ასეთ შემთხვევაში 30,000 კილომეტრია, ნორმალური ექსპლუატაციის პირობებში 60,000 კმ.
ზეთის ხარჯი - N63-ს ყოველ 1,000 კმ-ს გავლისას ესაჭიროება საშუალოდ 1 ლიტრი ზეთის დამატება.
ინჟექტორები - საწვავის ფრქვევანა (fuel injector) მალე გამოდის მწყობრიდან, ამის გამო შეიძლება ცილინდრში ზედმეტი საწვავი მოხვდეს და დაქოქვისას ჰიდრო დარტყმა გამოიწვიოს. საწვავის ფრქვევანას რესურსი 100,000 კილომეტრია.
ჯაჭვი და მისი დამჭიმი - შესაცვლელი ჯაჭვი არასასიამოვნო ხმას გამოსცემს. N63-ის ჯაჭვის რესურსი საშუალოდ 70-100,000 კილომეტრია, დამოკიდებულია მართვის სტილზე.
შესაცვლელი ჯაჭვით და დამჭიმებით სიარულს არ გირჩევ. არის ალბათობა ჯაჭვი გადახტეს, ან რაც არუნდა პარადოქსი იყოს გაწყდეს. ეს კი დიდი პრობლემების მომტანია, მოგიწევს მთლიანი აგრეგატის შეძენა ან ძრავის კაპიტალური რემონტი, რაც ძალიან ძვირი სიამოვნებაა.
გადაცემათა კოლოფი - ავტომატურ გადაცემათა კოლოფს, ZF 8HP-ს სწრაფი დაძვრა და უხეში ექსპლატაცია არ უყვარს. კოლოფში რეკომენდირებულია ზეთის და ფილტრის შეცვლა ყოველ 80,000 კმ-ს გავლისას.
სავალი ნაწილი - სავალს 50-60,000 კილომეტრი აქვს რესურსი, თუმცა ყველაფერი დამოკიდებული მოვლაზე, სწორ ექსპლუატაციაზე.
