ავტოინდუსტრია ემშვიდობება, ბრიტანელების ლეგენდარულ L-სერიის V8 ძრავს. ისტორია მას შემდეგ იწყება, როცა 50-იანი წლების დასაწყიში, Rolls-Royce-Bentley -ის ქარხანა ქალაქ Crewe-ში განთავსდა. საკულტო ძრავის შექმნის ინიციატორი Jack Phillips გალხდათ, ის იყო მთავარი ინჟინერი და პასუხისმგებელი ძრავებზე. მისი მიზანი იყო შეექმნა ისეთი ძრავა, რომელიც მორალურად მოძველებულ, ექვსცილინდრიანს ჩაანაცვლებდა, ამავდროულად ახალი 50 %-ით მძლავრი უნდა ყოფილიყო.
Jack Phillips-ს და მის გუნდს, 18 თვე დასჭირდათ ახალი ძრავის შესაქმნელად. უძილო ღამეების და დაღვრილი ოფლის ხარჯზე, მათ ბედნიერების ზენიტს მიაღწიეს. გუნდმა შექმნა ლეგენდარული L-სერიის V8 ტიპის, 6.2 ლიტრი მოცულობის ძრავა. მისი დებიუტი 1959 წელს შედგა, Bentley S2-ში, ის 183 ცხენის ძალას გამოიმუშავებდა.
12 წლის შემდეგ 1971 წელს, L-სერიის V8 ძრავის მოცულობა 6 ¾ ლიტრამდე გაიზარდა, ხოლო 1982 წელს Crewe-ში მომუშავე ინჟინრებმა მორიგი განახლება განახორციელეს, ატმოსფერულ L-სერიის V8 ძრავს Turbo დაუმატეს, მისი ხილვა უკვე 1982 წელს Bentley Mulsanne Turbo-ში შეგვეძლო, ამჯერად ბენტლი 295 ცხენის ძალას გამოიმუშავებდა.
ყველაფერს თავისი დასაწყისი და დასასრული აქვს. Crewe-ში ბენტლის ქარხანაში, ინჟინრები შეუდგნენ უკანსკნელი Mulsanne 6.75 Edition by Mulliner-ის აწყობას. აღნიშნული ავტომობილები აღიჭურვება ლეგენდარული L-სერიის V8 6 ¾ ძრავებით, სულ 30 ეგზემპლარი იქნება დამზადებული.
სამწუხაროდ ეპოქა ამით სრულდება, 61 წლის განმალობაში 36,000 ცალი V8 6 ¾ იქნა წარმოებული.
