დღეს, როდესაც მსოფლიო ებრძვის, კორონავირუსის პანდემიას, შეიძლება მსგავსი ინფორმაცია უადგილოა, რადგან ფუფუნების საგნებში მეეჭვება ვინმემ ინვესტიცია განახორციელოს, მაგრამ ფაქტი სახეზეა, 90-იანი წლების საკულტო მანქანაზე დიდი ნადირობაა გამოცხადებული. 2020 წლის 21 მარტს გერმანულ აქუციონზე Ebay.de-ზე განთავსდა მეტად საინტერესო განცხადება. თამამად შეიძლება ითქვას, ეს განცხადება დროში გამოგზაურებს. საქმე იმაშია, რომ იყიდება 1997 წლის მე-7 სერიის BMW E38 740, რომლის გარბენიც სულ რაღაც 255 კილომეტრია, ალბათ ლეგიტიმური კითხვა გაგიჩნდება: „ჰმ ეს როგორ მოახერხეს?“
1997 წელს 74 წლის პოლონელმა ქალბატონმა, სულ ახალი მე-7 სერიის BMW შეიძინა, ის ძალიან მალე ჰაერის კაპსულაში მოათავსეს. რატომ მოათავსეს ან რა ბედი ეწია ქალბატონს არავინ იცის, მაგრამ 23 წელი კი იდგა სპეციალურ ფარეხში. ლოტის თავდაპირველი ფასი €1,010 შეადგენდა, მაგრამ რამდენიმე დღეში მისი ფასი 120.050 ევრომდე გაიზარდა. აუქციონის ამოწურვამდე ორი დღეა დარჩენილი და 31 მარტს 21 საათსა და 46 წუთზე დასრულდება. თუ BMW-ს მუზეუმს არ ჩავთვლით, ასეთი ეგზემპლარი მთელ მსოფლიოში მგონი ერთადერთი და უკანასკნელია. ეს უნიკალური ეგზემპლარი, აღჭურვილია 5 საფეხურიანი ავტომატურ გადაცემათა კოლოფით და 282 ცხენის ძალიანი 4.4 ლიტრი მოცულობის V8 ძრავით.
ისტორია:
90-იან წლებში პრემიუმ სეგმენტში დომინირებდა Mercedes-ის S კლასი W140, ის იყო ინოვაციურიც და განუმეორებელიც, ბავარიელებს სჭირდებოდათ ახალი მოდელი, რომელიც კონკურენციას გაუწევდა, როგორც S კლასს, ასევე ახალ მოთამაშეს Audi A8-ს. კონცეპტუალური მოდელი დიზაინერმა Boyke Boyer-მა წარადგინა, 1991 წელს მე-7 სერიის E38-ის პროექტი დამტკიცდა და მისი წარმოება 1994 წლის 17 თებერვალს დაიწყეს. ბავარიელებმა ავტოინდუსტრიაში ახალი სიტყვა თქვეს, ეს იყო ნამდვილად ინოვაციური მოდელი, მასში გამოყენებული იქნა იმ დროის ყველა უახლოესი ტექნლოგია, ამავდროულად ძვრიფასი მასალები, ნატურალური ტყავი, ხე და ა.შ. 1994 წელს მისი ფასი $ 60,850-დან იწყებოდა.
