7 იანვარს Las Vegas- ში ტექნოლოგიურ გამოფენაზე „Consumer Electronic Show 2020“ -ზე ვანკუვერში ბაზირებულმა სტარტაპ კომპანიამ Damon Hypersport-მა, წარადგინა პირველი ელექტრო მოტოციკლეტი. მას ექნება 21.5 kWh ლითიუმ-იონის ელემენტი, რომელიც გამოიმუშავებს 200 ცხენის ძალას და იწონის 200 კგ-ს. კომპანიის წარმომადგენლები გვარწმუნებენ, რომ მოტოციკლს შეეძლება განავითაროს 322კმ/სთ, ხოლო 0-დან 100-მდე სულ რაღააც 2,5 წამი დაჭირდება. ერთჯერადი დამუხტვით ქალაქში რეკუპერაციის მეშვეობით 480 კილომეტრს გაივლის, ხოლო ტრასაზე 320-ს, ეს იმით ახსნეს რომ ქალაქში მეტი მუხრუჭის გამოყენება გვიწევს.
მოტოციკლი აღჭურვილი იქნება Co-Pilot-ით და 2 X 1080P 360º გრადუსიანი კამერით, რის მეშვეობითაც მგზავრობა მეტად უსაფრთხო გახდება. აღნიშნული ფუნქცია გაანალიზებს საფრთხეებს და მძღოლს შეატყობინებს ვიბრო სიგნალით საჭეზე ან მანათობელი სიგნალით დეშბორდზე. მოტოციკლის ელემენტის სრულად დამუხტვას 1 საათი დაჭირდება. Damon Hypersport-ის შეძენა შეგვეძლება 2021 წლიდან თუმცა კომპანიაში აცხადებენ რომ სატესტოდ 25 ეგზემპლარს გამოუშვებენ, რომლის ფასიც $ 40,000 იქნება, მაგრამ მოთხოვნის გაზრდის შემთხვევაში გვპირდებიან, რომ ფასი $ 25,000-მდე შემცირდება. 
