რამდენიმე დღის წინ ჩვენ ვიხილეთ Ford Bronco-ს მსოფლიო პრემიერა. ერთი დღე არც იყო გასული, კონცერნ FCA-მა ფორდს „პასუხის პასუხით“ უპასუხა და წარმოგვიდგინა V8 Hemi ძრავით, Jeep Wrangler Rubicon 392-ის კონცეპტუალური მოდელი. შეიძლება ითქვას, რომ ბოლო წლების განმალობაში, ენთუზიასტების დაჟინებული მოთხოვნაც იყო, კომპანიას აეწყო V8 ძრავით Wrangler და აი ისიც, კომპანიამ გაითვალისწინა ლოიალური მომხმარებლების მოთხოვნა. ამ ნაბიჯმა დაგვიმტკიცა და დაგვანახა, რომ შესაძლებლობებს საზღვრები არ აქვს.
ტექნიკური მონაცემები - მომავლის Wrangler აღჭურვილი იქნება, Hemi 6.4 V8 ძრავით, ის 456 ცხენის ძალას და 610 ნიუტონ მეტრს გამოიმუშავებს. რვაცილინდრიანი ძრავა დაწყვილებულია, რვა საფეხურიან ავტომატურ გადაცემათა კოლოფთან და 0-დან 100-მდე ხუთ წამზე ნაკლებ დროში ავითარებს. Rubicon 392 მუდმივი სრული ამძრავია, მას ჩარჩოიანი კონსტრუქცია (рамная конструкция ) აქვს, ხიდები „Dana 44“ , ხოლო სარიგებელი კოლოფი (Раздаточная коробка) ორ საფეხურიანი Selec-Track ექნება, ასევე წინა და უკანა ელექტრონულად თვითბლოკირებვადი დიფერენციალი Tru-Lok.
თავდაპირველად კონცერნი FCA დააკვირდება, მომხმარებლების რეაქციას, ქცევას და შემდეგ გაგვაცნობს თუ როდის იქნება ხელმისაწვდომი, სერიული Jeep Wrangler Rubicon 392. ერთი ფაქტია, რომ წინ დიდი ბრძოლა გველის, რადგან Rubicon 392-ის პირდაპირი კონკურენტი 2021 წლის Ford Bronco გახლავთ.
