თბილისის ქუჩებში, მრავლად შეგხვდება დახვეწილი კორეელი Hyundai ix35. მან, მორალურად მოძველებული, Hyundai Tucson-ი ჩაანაცვლა. მისი დებიუტი 2009 წლის ფრანკფურტის ავტოშოუზე შედგა. ალბათ ხშირად გაგჩენია კითხვა, რამდენად გამომდგარია? ღიირს მისი შეძენა? ზუსტად ამ ყველაფერზე, ვისაუბრებ დღევანდელ ბლოგ-პოსტში. 
მეორე თაობის, Hyundai ix35-ის წარმოება, 2009 წელს დაიწყო და 2015-ში დასრულდა. პირველი განახლება, ჩვენებურად, რომ ვთქვათ რესტაილინგი, 2013 წელს განიცადა. თბილისში Hyundai ix35-ის ფასი: 7,500 დოლარიდან იწყება.
ელექტროობა - ელექტროობიდან ყველაზე ხშირად, პარკირების სენსორები, უკანა ხედვის კამერა გამოდის მწყობრიდან, ასევე კარის დისტანციური გაღების სისტემა.
ძრავა - Hyundai ix35 იწარმოებოდა, როგორც ბენზინის, ასევე დიზელის ძრავებით.
- ბენზინი: 2.0 (G4KD) 150 ცხ.ძ.
- დიზელი: 2.0 (D4HA) 184 ცხ.ძ.
ორივე შემთხვევაში, Hyundai-ის ძრავები საკმაოდ გამომდგარია და პრობლემები არ ახასიათებს, მთავარია დროულად უცვალო ძრავს ზეთი და ფილტრი. რაც მთავარია არ მოაკლო ხარისხიანი საწვავი, როგორიცაა 95 ოქტანობიანი (ევრო პრემიუმი).
გადაცემათა კოლოფი - Hyundai ix35-ის შეძენა, შეგიძლია, როგორც მექანიკური გადაცემათა კოლოფით, ასევე ავტომატურით.
მექანიკური გად. კოლოფი: 2013-ის შემდეგ „რესტაილინგ“ მოდელებს, მექანიკური კოლოფი, მხოლოდ ბენზინის ძრავებთანაა დაწყვილებული და აღჭურვილია 6 საფეხურიანი კოლოფებით. გადაბმულობის რესურსი საშუალოდ, 150,000 კილომეტრია.
ავტომატური გად. კოლოფი: რაც შეეხება ავტომატურს, ძირითადად გამართულად მუშაობენ, მაგრამ არის შემთხვევები, როდესაც კოლოფს თერმოგადამწოდი (датчик температуры АКПП) უფუჭდება. სიმპტომები კი შემდეგნაირია: მოძრაობისას ბიძგები, აგვიანებს საჭირო სიჩქარეში გადართვას, უარეს შემთხვევაში კი შეიძლება D-ში ვეღარ გადართო. რეკომენდირებულია ყოველ 60,000 კილომეტრის გავლისას, ავტომატურ გადაცემათა კოლოფს, ზეთი შეუცვალო თუ გინდა, რომ დიდხანს გემსახუროს.
სავალი ნაწილი - Hyundai ix35-ს გამძლე და საიმედო სავალი აქვს. ცვეთადი ნაწილების რესურსი, როგორიცაა: ამორტიზატორები, ნახარის მილისები, ბურთულა სახსარი, საჭის საწევის ბუნიკი თუ განივი მდგრადობის სტაბილიზატორის შტანგები 70-80,000 კილომეტრს ძლებს, მორგვის საკისარი კი 130,000 კმ-ს. რაც შეეხება მუხრუჭებს, წინ ვენტილირებადი სამუხრუჭე დისკოები აქვს, წინა ხუნდები (Тормозные колодки) ყოველ 40-50,000 კმ-ს შემდეგ უნდა შეცვალო, ხოლო უკანა 80-90,000 კმ-ს გავლისას.
საჭის მართვის სისტემა - ix35 აღჭურვილია საჭის ელექტროგამაძლიერებელით, ის საკმაოდ საიმედოა და ხშირ რემონტს არ საჭიროებს, თუმცა უგზოობაზე ხშირად თუ გიწევს სიარული შეიძლება ლარტყული საჭის მექანიზმა (реечный рулевой механизм) არასასიამოვნო ხმის გამოცემა დაიწყოს. მისი რესურსი 100,000 კილომეტრია.
