1976 წელს სამყაროს მოევლინა „ჰოთ-ჰეჩი“ Volkswagen Golf GTI Mk I. მას შემდეგ 44 წელი გავიდა, თაობები იცვლებოდა, მაგრამ Volkswagen-ის ბესტსელერი სულ უფროდა უფრო პოპულალური ხდებოდა. თანამედროვე „ჰოთ-ჰეჩი“ დაიხვეწა, უფრო კომფორტული და უსაფრთხო გახდა, მაგრამ ის ჩვენგან ზრუნვას და ყურადღებას მოითხოვს, წინააღმდეგ შემთხვევაში მოგვიწევს მისი გაჩერება ან გაყიდვა. დღეს ვისაუბრებ 2009–2013 წლებში გამოშვებულ მეშვიდე თაობის Volkswagen Golf GTI Mk7-ის ხუთ გავრცელებულ პრობლემაზე, მაგრამ ხაზი მინდა გავუსვა იმას, რომ შეიძლება ჩემს მიერ ჩამოთვლილი პროლემა სულაც არ აღმოაჩნდეს შენ მანქანას.
ძარა - რაც არ უნდა პარადოქსული იყოს, თანამედროვე ავტომობილების, ძარა და მისი საღებავი ისეთი გამძლე არაა, როგორც ეს 25-30 წლის წინ იყო. გამონაკლისი არც ჩვენი მეშვიდე თაობის Golf GTI. მაგალითად ტრასაზე, ხშირად ჩვენს მანქანას პატარა კენჭები ხვდება, რაც ძარის და საღებავის დაზიანებას იწვევს, შემდეგ ამ პატარა დეფექტებს არ ვაქცევთ ყურადღებას და გარეცხვის შემდეგ, ეტაპობრივად ძარას კოროზია უჩნდება.
რა უნდა გავაკეთოთ ? 1) დეფექტის აღმოჩენის შემდეგ, მალევე უნდა მივიყვანოთ მეთუნუქესთან, შემდეგ კი სამღებრო სამუშაოების ჩატარება მოგვიწევს, 2) შეგიძლია ძარას უფერული დამცავი ფირი გადააკვრევინო.
ზეთის ხარჯი - მეშვიდე თაობის Golf GTI, აღჭურვილია ორნაირი ტურბო ძრავით: 2.0 TSI Turbo 217 ცხ.ძ და მეორე ვერსიაა „Performance Package“ 2.0 Turbo 227 ცხ.ძ მოკლედ ეს ძრავები არ გამოირჩევიან დიდი საიმედოობით. მათ დგუშის რგოლების (piston ring) პრობლემა აქვთ, ძირითადად ეს გაუმართაობა 100-150,000 კილომეტრის შემდეგ ეწყებათ, უფრო ასე ვიტყოდი: თუ შენ ყოველ 1000 კილომეტრის გავლის შემდეგ, ძრავაში 1 ლიტრ ზეთს ამატებ, ესეიგი დგუშის რგოლებია შესაცვლელი. გამოსავალი ერთადერთია, ძრავის რემონტი.
ცეპის დამჭიმები - მანქანა მუდმივ კონტროლზე უნდა გყავდეს, სპეციალისტს შეამოწმებინე ცეპის მდგომარეობა, ეს მისი სუსტი წერტილია. ცეპის დამჭიმები ძირითადად 80-90,000 კმ-ს გავლის შემდეგ უნდა შეიცვალოს.
გადაბმულობა - მეშვიდე თაობის Golf GTI-ის მექანიკური გადაცემათა კოლოფი გამძლეა, მისი რესურსი სადღაც 300,000 კილომეტრია, მაგრამ თუ შენი მართვის სტილი აგრესიულია, შეეგუე იმას რომ გადაბმულობის შეცვლა მოგიწევს ყოველ 50,000 კმ-ს გავლის შემდეგ.
DSG - თუ მექანიკა ძალიან გამძლეა, იგივეს ვერ ვიტყოდი Volkswagen-ის შემუშავებულ ინოვაციურ გადაცემათა კოლოფ DSG-ზე (Direct Shift Gearbox - გადაცემათა კოლოფი სინქრონული გადაცემით) შეიძლება მოულოდნელად, ავარიულ რეჟიმში დაიწყოს მუშაობა ან უბრალოდ აღარ მოუნდეს მუშაობა, საოცარია არა ? ძირითადად ე.წ. „mechatronic“ ფუჭდება, პლუს DSG-ში ითხოვს რეგულალურად ყოველ 40,000 კმ-ს გავლის შემდეგ ზეთის შეცვლას. მოკლედ მე არ ავიტკიებდი თავს და თუ ყიდვაა ტრადიციულ მექანიკას ვიყიდიდი
