შენს წინაშეა Lotus-ის მოტოციკლი C-01, მისმა ფუტურისტულმა დიზაინმა არ შეგანიშონ, ეს არის ბუგატის ყოფილი დიზაინერის Daniel Simon-ის ქმნილება. Daniel-ის მუზა 60-იანი წლების ფორმულა 1-ის ბოლიდი „Lotus 49“ გახლდათ, დანიელს იდეის სისრულეში მოყვანაში, გერმანული კომპანია Kodewa & Holzer Group დაეხმარა. ძარაზე კი ვხედავთ Lotus-ის სახელს, მაგრამ იმედები უნდა გაგიცრუო, ლეგენდარული კომპანიის მხოლოდ სახელია გამოყენებული და მეტი არაფერი. ისიც იმიტომ რომ კომპანია Kodewa-ს „Lotus“-ის სახელის გამოყენებაზე ლიცენზია აქვს.
ტექნიკური მახასიათებლები
LOTUS C-01 აღჭურვილია 6 საფეხურიანი გადაცემათა კოლოფით და KTM RC8R-ის, V-სებრი 1,195 cm³ კუბური სანტიმეტრის მოცულობის ძრავით. ის 200 ცხენის ძალას გამოიმუშავეს. ინჟინრება ჩარჩოს დასამზადებლად ტიტანი გამოიყენეს, ხოლო სხვა დეტალებისთვის ნახშირბადის ბოჭკო (Carbon Fiber). მისი მასა 180 კგ-ს შეადგენს. ის აღჭურვილია 320mm Brembo-ს მუხრუჭებით, დაკიდების სიტემა Ohlins-ის და Sachs-ის ბრენდისაა გამოყენებული. ამ მოტოციკლის ამოცანაა, სწორზე განავითაროს დიდი სიჩქარე და სულ არ აინტერესებს ტრეკზე რომელიმე სპორტული მოტოციკლის შედეგის გაუმჯობესება. ეს ნამდვილი ხელოვნების ნიმუშია, 2014 წელს სულ რაღაც 100 ეგზემპლარია წარმოებული და მისი ფასი $137,000-ს შეადგენდა.
