2020-03-25

Hippie Van ბრუნდება

ავტორი: გიორგი ლაფერაშვილი
2 წუთის საკითხავი
  • AAტექსტის ზომის შეცვლა

ახლიდან დაბადება

 Volkswagen-მა და მისმა პარტნიორმა კომპანიამ eClassics-მა გვამცნო, რომ ჰიპების საყვარელ მანქანას T1 Samba Bus-ს გააცოცხლებენ. ის რათქმაუნდა აღჭურვილი იქნება 81 ცხენის ძალიანი ელექტრო ძრავით და 45 Kwh-ნი ლითიუმ-იონის ელემენტით (lithium-ion battery), მისი მაქსიმალური სიჩქარე 130 კმ/სთ იქნება. მას ერთი დამუხტვით 200 კილომეტრის დაფარვა შეეძლება. ავტომატურ გადაცემათა კოლოფს დაემატა გადაცემა B, ეს იმას ნიშნავს, რომ თუ B-ში გადართავ და აუშვებ აქსელერაციის პედალს, მაშინ რეკუპერაციის ხარჯზე ელემენტი ახლიდან დაიმუხტება.

„hippie van“-ს მაქსიმალურად შეუნარჩუნეს კლასიკური დიზაინი. Samba Bus-ის ინტერიერი გაწყობილი იქნება ორ ფეში Saint Tropez პლუს Saffrano Orange. რამდენად მოეწონებოდათ ასეთი მოდელი 60-70-იან წლებში ჰიპებს ეს კიდევ სხვა საქმეა. Samba Bus დამატებით აღიჭურვება თანამედროვე ფუნქციონალებით, როგორიცაა: We Connect, Bluetooth, USB და DAB+ . T1 Samba Bus-ის ფასი €64,900 ($69,500) იქნება. წესით მისი დებიუტი ქალაქ Essen-ში გამართულ ყოველწლიურ გამოფენაზე Techno Classica 2020-ზე უნდა ჰყოფილიყო, მაგრამ კორონავირუსის გამო ორგანიზატორებმა ეს ღონისძიებაც გააუქმეს.


ისტორია

Volkswagen van-ის შექმნის იდეა, ჰოლანდიელ ბიზნესმენს Ben Pon-ს 1947 წელს დაებადა, როდესაც ის Volkswagen-ის ქარხანას სტუმრობდა. იდეა იმაში მდგომარეობდა, რომ ევროპა განიცდიდა ისეთი კომპაქტური მანქანების ნაკლებობას, რომელსაც შეეძლო მსუბუქი ტვირთის მარტივად და სწრაფად გადატანა. 1947 წლის 23 აპრილს Ben Pon-მა ჩანახატები ბლოკნოტში გააკეთა და ერთ მშვენიერ დღეს, ეს უტოპიური იდეა Volkswagen-ის გენერალურ დირექტორს Heinrich Nordhoff-ს გააცნო. რაც არ უნდა პარადოქსული იყოს, იდეამ მოწონება დაიმსახურა და ჩანახატების გაკეთებიდან 2 წელიწადში, 1949 წლის 11 ნოემბერს, გერმანელმა ინჟინრება წარადგინეს პირველი პროტოტიპული მოდელი: Volkswagen Transporter T1. კომერციული ტრანსპორტის T1-ის სერიული წარმოება 1950 წლის 8 მარტს დაიწყო, ხოლო 1951 წელს მივიღეთ მგზავრებისთვის განკუთვნილი საკულტო მინი-ფურგონი Samba Bus. პირველი თაობა იწარმოებოდა 1950 წლიდან 1966 წლამდე, შემდეგ მივიღეთ განახლებული, მეორე თაობის Volkswagen Transporter T2, რომელიც იწარმოებოდა 1966 წლიდან 1979 წლამდე.




Hippie Van

60-იან წლებში გაჩნდა ახალგაზრდული  სუბკულტურა „ჰიპები“. სახალხო შეკრებები, მუსიკალური ფესტივალები და პროტესტი იყო ჰიპების მოძრაობის მნიშვნელოვანი მახასიათებლები. Volkswagen-ის მინი-ფურგონმა Samba Bus-მა სახელი „ყვავილების ბავშვებში“  Woodstock -ის ფესტივალიდან გაითქვა. 60-70-იან წლების ამერიკაში ხშირად შეგხვდებოდათ ჰიპების სიმბოლიკით მოხატული ფერადი Samba Bus, აქედან მივიღეთ Volkswagen -ის მინი-ფურგონის ზედმეტსახელი Hippie Van. ის დღესაც კი პოპულალურია და მოდური.  


პირველი Taxi Hybrid

1973 წელი ნავთობის „მსოფლიო ფასების რევოლუცია“ მოხდა. იმ წლის ოქტომბერში ისრაელისა და არაბული ქვეყნების ომმა („იომ-ქიფურის“ ომი) ბიძგი მისცა არაბული ქვყნების ემბარგოს „პროისრაელურ“ დასავლეთ ევროპაში ნედლი ნავთობის გატანაზე. მას მოჰყვა პანიკა მსოფლიოს წამყვან ბირჟებზე და შესაბამისად, ფასის უკონტროლო ზრდა. ამ ყველაფერმა ინჟინრები დააფიქრა შეექმნათ რაიმე ეკონომიური ტრანსპორტი. 1973 წელს  გერმანულმა კომპანიამ Volkswagen-მა პუბლიკას შესთავაზა პირველი ჰიბრიდი  Taxi Hybrid.








მსგავსი სტატიები

Skoda Enyaq iV - ელექტრო კროსოვერი
Skoda Enyaq iV - ელექტრო კროსოვერი
2020-07-30

რამდენიმე დღის წინ, Skoda-მ დაანონსა, რომ ამა წლის პირველ სექტემბერს, მათი პირველი სერიული ელექტრო კროსოვერის დებიუტი შედგება, მანამდე კი ტიზერებით უნდა დავკმაყოფილდეთ. ეს არის მომავლის მანქანა, რომელსაც ფუტურისტული დიზაინი ექნება.

2020 Honda Odyssey - ოჯახის მეგობარი
2020 Honda Odyssey - ოჯახის მეგობარი
2020-04-08

აოჯახო ავტომობილის შეძენისას, ბევრი ფიქრი გვიწევს, ბაზარზე არჩევანი ფართოა, მაგრამ ყველა ვერ აკმაყოფილებს ისეთ კრიტერიუმებს, როგორიცაა: უსაფრთხოება, კომფორტი, ტევადობა. მაგრამ თუ კარგად მოვძებნით, აღმოვაჩენთ ასეთ მშვენიერ საოჯახო მანქანას,

ყველაზე ექსკლუზიური ლამბო - Aventador SVJ Roadster Xago Edition
ყველაზე ექსკლუზიური ლამბო - Aventador SVJ Roadster Xago Edition
2020-07-22

იტალიურმა კომპანიამ კრიზისი, როგორც შესაძლებლობად ისე დაინახა და მომხმარებლებს ახალი ექსკლუზიური პროდუქტი შესთავაზა