2020-02-04

2020 Porsche Taycan

ავტორი: გიორგი ლაფერაშვილი
1 წუთის საკითხავი
  • AAტექსტის ზომის შეცვლა

 Porsche-მ პირველი პროტოტიპული მოდელი „Porsche Mission E“ 2015 წლის 17 სექტემბერს Frankfurt-ის Motor Show-ზე წარადგინა. აღფრთოვანებული და შოკირებული საზოგადოება წერდა, რომ ეს იყო პორშეს ისტორიაში პირველი ელექტრო მანქანა, მაგრამ ნურას უკაცრავად! 1899 წელს პირველი ელექტრო მანქანა ფერდინანდ  პორშემ „The Lohner-Porsche Mixed Hybrid“ შექმნა, ხოლო საზოგადოებამ ის 1900 წლის დეკემბერს პარიზში გამართულ გამოფენაზე იხილა. აღნიშნული მოდელი 300 ცალი იქნა წარმოებული, თუმცა დიდი მომავალი არ ჰქონდა, რადგან მისი წარმოება ძვირი ჯდებოდა, ხოლო ჰენრი ფორდი კი იაფ ტრანსპორტს სთავაზობდა მომხმარებლებს.

 2019 წლის 10 სექტემბერს, Frankfurt-ის Motor Show-ზე სერიული მოდელის Taycan-ის წარმატებული დებიუტი შედგა. Porsche  წლიურად 20,000 ცალი Taycan-ის წარმოებას აპირებს, ფასი კი დამოკიდებულია, იმაზე თუ რომელ ვერსიას შეიძენ:

  • Taycan 4S: $103,800
  • Taycan Turbo: $150,900
  • Taycan Turbo S: $185,000

Porsche Taycan-ის სამივე ვერსია სრული ამძრაობითაა (AWD) ხელმისაწვდომი, საბაზისო მოდელი 4S გამოიმუშავებს 530 ცხენის ძალას, Turbo კი 680 ცხენისძალიანი აგრეგატითაა აღჭურვილი, ხოლო Turbo S 761 ცხენის ძალით და 0-დან 100-მდე 2.8 წამში ავითარებს. ერთი დამუხტვით 333-დან 450 კილომეტრამდე შეეძლება გავლა, დამოკიდებულია იმაზე თუ რომელი მოდელი გეყოლება. Taycan-ს ექნება Apple Music სერვისიც, რაც საშუალებას მოგვცემს სმარტფონის გამოყენების გარეშე უამრავ კომპოზიციას მოვუსმინოთ რადიოსადგურ Beats 1-ის მეშვეობით. 


P.S.

2020 წლის 2 თებერვალს  Super Bowl-ზე მაყურებელმა პირველად იხილა Porsche Taycan-ის გასაოცარი რეკლამა.


მსგავსი სტატიები

Nuro R2 კურიერ-რობოტი
Nuro R2 კურიერ-რობოტი
2020-11-12

ტექნოლოგიების მიმართ შიში არც ისე ახალია. ჯერ კიდევ XVIII საუკუნის 60–იან წლებში, ინდუსტრიალიზაციის პერიოდში ადამიანებს, ავტომატიზაციის ეშინოდათ. უნდობლობას უცხადებდნენ ავტომობილებს, მეტიც, მას „ეშმაკის ეტლსაც“ კი უწოდებნენ. გავიდა დრო და ე

Top 5 გამძლე ავტომობილი
Top 5 გამძლე ავტომობილი
2020-11-11

ტექნოლოგიურ ეპოქაში, რთულია ისაუბრო ისეთ საკითხზე, როგორიც „გამძლეობაა“ მითუმეტეს, როდესაც საქმე ავტომობილებს ეხება. დღევანდელი ბლოგ-პოსტის მეშვეობით, მე გაგაცნობ Top 5 „გამძლე“ ავტომობილს, მაშ ასე დავიწყოთ:

ეს ავტომობილები, მხოლოდ ერთ ფერში იყიდებოდა
ეს ავტომობილები, მხოლოდ ერთ ფერში იყიდებოდა
2020-11-10

დღევანდელ ბლოგ-პოსტში, წარმოგიდგენ ხუთ უნიკალურ ავტომობილს, რომელიც მხოლოდ ერთ ფერში იწარმებოდა. ზოგადად ფერები ძალიან დიდ როლს თამაშობს ჩვენს ცხოვრებაში. პირველ რიგში, ნებისმიერი რამ, ხომ ვიზუალურად გვამახსოვრდება? ვიზუალში კი, მთავარი ფერ