სიტყვათა კომბინაცია, Brabus - Rocket უკვე მიგვითითებს, რომ ეს არის რაღაც არაორდინალური მოდელი, რომელიც მხოლოდ რჩეულებისთვისაა დამზადებული და საშუალო სტატისტიკურ მომხმარებელს მისი შეძენა არ შეეძლება, რადგან ავტომობილის ფასი 435,000 ევრო ეღირება. ჯამში ათი ეგზემპლარის დამზადდება იგეგმება.
2020 წლის, Brabus Rocket 900-ს, სრული ამძრავი თვლები აქვს. ის აღჭურვილია, 4.5 V8 biturbo ძრავით და დაწყვილებულია ცხრა საფეხურიან (SPEEDSHIFT MCT 9 ) ავტომატურ გადაცემათა კოლოფთან. ბრაბუსი 900 ცხენის ძალას და 1250 ნიუტონ მეტრს გამოიმუშავებს. თუმცა გადაცემათა კოლოფის გამო, გერმანელებს ძრავის მაქსიმალური მომენტის, 1050-ზე შეზღუდვა მოუწიათ. 0-დან 100 კმ/სთ-ს გასავითარებლად, 2.8 წამი სჭირდება, ხოლო 300 კმ/სთ-ს 23.9 წამში ავითარებს. საბურავების გამო, მისი მაქსიმალური სიჩქარე, ელექტრონულად 330 კმ/სთ-ზეა შეზღუდული.
Brabus Rocket 900-ს, ფუტურისტული დიზაინი აქვს, ძარისთვის სპეციალურად შეირჩა საღებავი, Stealth Grey. ბრაბუსი უფრო ექსცენტრიულ პროფესორს ემმეტ ბრაუნს შეეფერება, ვიდრე რომელიმე „მილიარდელს“. მომავლის ავტომობილს, წინ 21-იანი Monoblock Z დაუყენეს, ხოლო უკან 22-იანი დისკები. გზაზე იდეალურ მოჭიდებას, P Zero-ს საბურავები უზრუნველყოფს. წინ 275/35 R21, უკან 335/25 R22.
ავტომობილის ფრთები, ბამპერები, სპოილერი და უკანა დიფუზორი დამზადებულია ნახშირბადის ბოჭკოსგან, ხოლო ფრთის თაღები, კევლარისგან. ძარა სიგანეში 78 მმ-ით გაგანიერდა. Brabus Rocket 900 აღჭურვილია, საფირმო Brabus Airmatic Sport პნევმატიკური საკიდარით. მისი მეშვეობით, კლირენსი 25 მმ-ით დაბალია, ვიდრე სტანდარტული Mercedes-AMG GT 63 S 4MATIC+. რაც შეეხება ინტერიერს, რა თქმა უნდა, გამოყენებულია, ნატურალური ტყავი და ნახშირბადის ბოჭკოსგან დამზადებული დეტალები. აქ შენ დაგხვდება, მულტიფუნქციური საჭე, კოკპიტში ჩაშენებული ციფრული 12.3-იანი ხელსაწყოთა პანელი და 12.3-იანი თაჩსქრინ-LCD დისფლეი და განახლებული მეორე თაობის MBUX სისტემა.
