იაპონური ყველგან მავალი, Toyota Land Cruiser Prado, საქართველოში დიდი პოპულარულობით სარგებლოს. ის ხომ ჩინოვნიკების საყვარელი ავტომობილია? თბილისის ქუჩები პრადოს გარეშე, ისეთივე წარმოუდგენელია, როგორც თევზი წყლის გარეშე.
J150 სერიის პრადო, დაახლოებით 11 წელია იწარმოება, ბოლო განახლება სამი წლის წინ განიცადა, თუმცა Toyota შემცვლელზე მაინც არ ფიქრობს, მეტიც შემოიფარგლება მცირედი განახლებებით. ჩვენებურად რომ ვთქვათ რესტაილინგი (Facelift) შემოგვთავაზეს, ამ ყველაფერზე კი დღევანდელ ბლოგ-პოსტში ვისაუბრებ.
Prado-ს, ოთხცილინდრიანი 2.8 1GD-FTV ტურბო დიზელის გაგრილების სისტემა გაუმჯობესდა, ძრავა აღიჭურვა ლილვის ბალანსირით, შეიცვალა ძრავას მართვის ბლოკი. რაც შეეხება სიმძლავრეს, ინჟინრებმა შედარებით მოზრდილი ტურბო დაუყენეს, რათა მეტი სიმძლავრე მიეღოთ. ახალი პრადო 204 ცხენის ძალასა და 500 ნიუტონ მეტრს გამოიმუშავებს. ძრავა დაწყვილებულია, ჩვენთვის კარგად ნაცნობი ECT, ექვს საფეხურიან ავტომატურ გადაცემათა კოლოფთან. პრადოს მაქსიმალური სიჩქარე 175 კმ/სთ-ს შეადგენს. ყველგან მავალისთვის კი სრულიად საკმარისია. პრადო 100 კილომეტრზე საშუალოდ 9 ლიტრს მოიხმარს.
ინტერიერშიც მცირედი ცვლილებები დაგვხვდება. გააუმჯობესეს მულტიმედია, კოკპიტში ჩაშენებულია 8 დუიმიანი სენსორული ეკრანი, რომელიც აღჭურვილია ისეთი სასარგებლო სისტემებით, როგორიცაა: Apple CarPlay და Android Auto. ადაპტირებული კრუიზ-კონტროლი, მძღოლის დამხმარე პაკეტი (Pilot Assist), 360° გრადუსიან კამერები, რომელიც პარკირების დამხმარე ფუნქციასაც აერთიანებს. უსაფრთხოებას უზრუნველყოფს Toyota Safety Sense 2.0, ხოლო Prado-ს ავტომატურად დამუხრუჭების სისტემას, სიბნელეში შეუძლია ქვეითის ამოცნობა, ეს კი უსაფრთხოების საკითხში კიდევ ერთი გადადგმული ნაბიჯია. 
